പീഡനക്കേസിലെ പ്രതികളുടെ ചിത്രം പുറത്തുവിട്ടു; സുനിത കൃഷ്ണന്റെ കാര്‍ ആക്രമിക്കപ്പെട്ടു

Story Dated: Friday, February 6, 2015 01:52

ഹൈദരാബാദ്: കൂട്ടമാനഭംഗക്കേസിലെ പ്രതികളുടെ ചിത്രം വാട്‌സ് ആപ്പിലൂടെ പുറത്തുവിട്ടതിനു പിന്നാലെ സാമൂഹ്യപ്രവര്‍ത്തക സുനിത കൃഷ്ണന്റെ വാഹനത്തിനു നേരെ ആക്രമണം. ഹൈദരാബാദില്‍ വച്ചാണ് 'പ്രജ്വല' എന്ന സന്നദ്ധസംഘടനയുടെ അധ്യക്ഷയായ സുനിതയുടെ വാഹനത്തിനു നേരെ കല്ലേറുണ്ടായത്.

കൂട്ടമാനഭംഗം നടന്ന് ആറു മാസം കഴിഞ്ഞിട്ടും പ്രതികളെ പിടികൂടാന്‍ പോലീസിന് കഴിഞ്ഞിരുന്നില്ല. കേസിലെ അഞ്ചു പ്രതികളും സംഭവസ്ഥലത്തുണ്ടായിരുന്ന സിസിടിവി കാമറയെ നോക്കി ചിരിക്കുന്ന ചിത്രങ്ങള്‍ ഇന്നലെയാണ് സുനിത കൃഷ്ണന്‍ പുറത്തുവിട്ടത്. കുറ്റക്കാരെ ശിക്ഷിക്കുന്നതിന് ദേശവ്യാപകമായി നടത്തുന്ന പ്രചരണത്തിന്റെ ഭാഗമായി യുട്യൂബിലും ചിത്രം പ്രദര്‍ശിപ്പിച്ചിരുന്നു.

ഒരു ചെറുപ്പക്കാരനാണ് തനിക്ക് ഈ വീഡിയോ അയച്ചുനല്‍കിയതെന്നും അത് വിശ്വസീനയമാണെന്നും സുനിത കൃഷ്ണന്‍ പറഞ്ഞു. എട്ട് മിനിറ്റോളം ദൈര്‍ഘ്യമുള്ളതായിരുന്നു വീഡിയോ. എന്ന ഇരയുടെ സ്വകാര്യത മാനിക്കേണ്ടതിനാല്‍ വീഡിയോ എഡിറ്റ് ചെയ്ത് പ്രതികളുടെ ചിത്രം മാത്രമായി പുറത്തുവിട്ടതെന്നും സുനിത കൃഷ്ണന്‍ കൂട്ടിച്ചേര്‍ത്തു.

from kerala news edited

via IFTTT