Story Dated: Sunday, February 1, 2015 02:59
തിരുവനന്തപുരം: കേരള പാരലല്‍ ട്യൂട്ടോറിയല്‍ കോളജ്‌ സ്‌റ്റാഫ്‌ ആന്‍ഡ്‌ ടീച്ചേഴ്‌സ് കൗണ്‍സിലിന്റെ ജൂബിലിയും രവീന്ദ്രനാഥടാഗോറിന്റെ ജന്മദിനാഘോഷം സംയുക്‌തമായി മാര്‍ച്ച്‌ 14ന്‌ തിരുവനന്തപുരത്ത്‌ നടത്തും. കൗണ്‍സില്‍ ജൂബിലിയുടെയും ടാഗോര്‍ ജയന്തി ആഘോഷത്തിന്റെയും ഭാഗമായി സംസ്‌ഥാനത്തെ മികച്ച സമാന്തര വിദ്യാഭ്യാസ സ്‌ഥാപനത്തിന്‌ ഏര്‍പ്പെടുത്തിയ രവീന്ദ്രനാഥ ടാഗോര്‍ പുരസ്‌കാരം നെയ്യാറ്റിന്‍കര വിശ്വഭാരതി കോളജ്‌ പ്രിന്‍സിപ്പല്‍ വി. വേലപ്പന്‍നായര്‍ക്ക്‌ നല്‍കാന്‍ തീരുമാനിച്ചു.
കാല്‍ലക്ഷം രൂപയും കാനായി കുഞ്ഞുരാമന്‍ രൂപകല്‌പന ചെയ്‌ത പുരസ്‌കാരം മാര്‍ച്ച്‌ 14ന്‌ തിരുവനന്തപുരത്ത്‌ നടക്കുന്ന കേരള പാരലല്‍ ട്യൂട്ടോറിയല്‍ കോളജ്‌ സ്‌റ്റാഫ്‌ ആന്‍ഡ്‌ ടീച്ചേഴ്‌സ് കൗണ്‍സിലിന്റെ 25-ാം വാര്‍ഷിക സമ്മേളനത്തില്‍ മന്ത്രി അബ്‌ദുറബ്‌ വിതരണം ചെയ്യും. ടാഗോര്‍ 150-ാം വാര്‍ഷിക സമ്മേളനം പ്രതിപക്ഷ നേതാവ്‌ വി.എസ്‌. അച്യുതാനന്ദന്‍ ഉദ്‌ഘാടനം ചെയ്യും. കൗണ്‍സില്‍ പ്രസിഡന്റ്‌ എല്‍.എസ്‌. പ്രസാദ്‌ അധ്യക്ഷതവഹിക്കും.
from kerala news edited
via IFTTT
