Story Dated: Thursday, February 5, 2015 01:55
കൊച്ചി : എറണാകുളത്തെ എന്‍.ഐ.എ കോടതിയില്‍ ഉണ്ടായ തീപിടുത്തം അട്ടിമറിയല്ലെന്ന്‌ ഫോറന്‍സിക്‌ വിദഗ്‌ധര്‍ സ്‌ഥിരീകരിച്ചു. ഷോര്‍ട്ട്‌സര്‍ക്യൂട്ടാകാം അപകട കാരണമെന്നാണ്‌ പ്രാഥമിക നിഗമനം. വിലപ്പെട്ട രേഖകളൊന്നും തന്നെ നഷ്‌ടമായിട്ടില്ലെന്നും സ്‌ഥിരീകരിച്ചിട്ടുണ്ട്‌.
കൈവെട്ടുകേസ്‌ ഉള്‍പ്പെടെ ഗുരുതരമായ പലകേസുകളും പരിഗണിക്കുന്ന എണറാകുളം എന്‍.ഐ.എ കോടതിയിലുണ്ടായ തീ പിടുത്തം അട്ടിമറിയാണെന്ന സംശയം നിലനില്‍ക്കുന്നുണ്ടായിരുന്നു. അതുകൊണ്ടു തന്നെ ഫോറന്‍സിക്‌ വിദഗ്‌ധര്‍ ഉള്‍പ്പെടെ സ്‌ഥലത്തെത്തി പരിശോധന നടത്തി. അപകടത്തില്‍ കമ്പ്യൂട്ടറും ഫോട്ടോസ്‌റ്റാറ്റ്‌ മെഷീനും കത്തിനശിച്ചതായി സിറ്റി പോലീസ്‌ കമ്മിഷണര്‍ കെ.ജി ജയിംസ്‌ സ്‌ഥിരീകരിച്ചിരുന്നു.
സ്‌ഥലത്ത്‌ ശക്‌തമായ പോലീസ്‌ കാവല്‍ ഏര്‍പ്പെടുത്തിയിട്ടുണ്ട്‌.
from kerala news edited
via IFTTT
