Story Dated: Friday, February 6, 2015 12:15
കോട്ടയം/കൊച്ചി: ധനമന്ത്രി കെ.എം മാണി ബജറ്റ് അവതരിപ്പിക്കുന്നതിന് പാര്‍ട്ടിയുടെ പിന്തുണയുണ്ടെന്ന് സര്‍ക്കാര്‍ ചീഫ് വിപ്പ് പി.സി ജോര്‍ജ്. ബജറ്റ് അവതരിപ്പിക്കണമോ വേണ്ടയോ എന്നത് കെ.എം മാണി തീരുമാനിക്കാം. മാണിയുടെ തീരുമാനത്തിന് പാര്‍ട്ടി പിന്തുണ നല്‍കും. മുഖ്യമന്ത്രി പറഞ്ഞാല്‍ മാണി ബജറ്റ് അവതരിപ്പിക്കും. ബജറ്റ് അവതരിപ്പിച്ചാല്‍ രക്തപ്പുഴ ഒഴുക്കുമെന്നാണ് പ്രതിപക്ഷം പറയുന്നത്. രക്തപ്പുഴയൊന്നും നീന്തിക്കയറാനുള്ള ആരോഗ്യം തനിക്കില്ലെന്നും ജോര്‍ജ് പറഞ്ഞു.
പാറ്റൂര്‍ ഭൂമിയിടപാടില്‍ ഭരത് ഭൂഷണ്‍ കുഴപ്പം കാണിച്ചിട്ടുണ്ടെന്നാണ് തന്റെ വിശ്വാസം. മുഖ്യമന്ത്രിയാണ് നിര്‍ദേശം നല്‍കിയതെന്ന് ഇപ്പോള്‍ പറയുന്നതില്‍ അര്‍ഥമില്ല. കുഴപ്പമുണ്ട് ബോധ്യപ്പെട്ടാല്‍ അന്ന് വ്യക്തമാക്കണമായിരുന്നു. പെന്‍ഷന്‍ പറ്റിക്കഴിഞ്ഞിട്ട് പറയുന്നതില്‍ കാര്യമില്ലെന്നും ജോര്‍ജ് ചൂണ്ടിക്കാട്ടി.
അതേസമയം, യു.ഡി.എഫ് സര്‍ക്കാരുണ്ടെങ്കില്‍, താന്‍ ധനമന്ത്രിയാണെങ്കില്‍ താന്‍തന്നെ ബജറ്റ് അവതരിപ്പിക്കുമെന്ന് കെ.എം മാണി കൊച്ചിയില്‍ പ്രതികരിച്ചു. ഉമ്മാക്കി കാട്ടി ആരും തന്നെ പേടിപ്പിക്കേണ്ട. പ്രതിപക്ഷത്തിന്റെ ആരോപണങ്ങള്‍ ആരെങ്കിലും വിലയ്‌ക്കെടുക്കുമോ. ചീഫ് വിപ്പിന്റെ പരാമര്‍ശങ്ങള്‍ക്ക് മറുപടി പറയാന്‍ താനില്ലെന്നും മാണി പ്രതികരിച്ചു.
from kerala news edited
via IFTTT
