Story Dated: Sunday, February 1, 2015 02:59
വിതുര: പൊന്‍മുടി അപ്പര്‍സാനിട്ടോറിയം മൈതാനത്തിനു താഴെയായി കുളത്തൂപ്പുഴ വനം റെയ്‌ഞ്ചിലുള്‍പ്പെട്ട പുല്‍മേട്ടില്‍ തീപിടിത്തമുണ്ടായി. ശനിയാഴ്‌ച ഉച്ചതിരിഞ്ഞായിരുന്നു സംഭവം. റെയ്‌ഞ്ചധികൃതരാരും ഈ സമയം സ്‌ഥലത്തില്ലായിരുന്നു. ഒടുവില്‍ പൊന്‍മുടി പോലീസും പാലോട്‌ വനം റെയ്‌ഞ്ച് അധികൃതരും ചേര്‍ന്നാണ്‌ തീയണച്ചത്‌. കല്ലാര്‍ വനം സെക്ഷന്‍ ജീവനക്കാര്‍ക്കൊപ്പം പൊന്‍മുടി വന സംരക്ഷണ സമിതി ഗൈഡുമാരെല്ലാം രംഗത്തിറങ്ങിയതോടെ ഒരു മണിക്കൂര്‍കൊണ്ട്‌ തീ കെടുത്താന്‍ കഴിഞ്ഞു. ഒരേക്കറോളം സ്‌ഥലത്തെ പുല്‍മേട്‌ കത്തിനശിച്ചതായി ബീറ്റ്‌ വനം ഓഫീസര്‍ ഷാജഹാന്‍ അറിയിച്ചു.
from kerala news edited
via IFTTT
