Story Dated: Friday, February 6, 2015 11:53
മോസ്‌കോ: അഞ്ചു മാസം പ്രായമുളള കുഞ്ഞിനെ പട്ടിണിക്കിട്ടു കൊന്ന റഷ്യക്കാരിയുടെ ശിക്ഷ വര്‍ധിപ്പിച്ചു. അലീന ഇപാറ്റോവ എന്ന 19 കാരി അപ്പീലിനു പോയപ്പോഴാണ്‌ പത്ത്‌ വര്‍ഷത്തെ ശിക്ഷ 12.5 വര്‍ഷമായി വര്‍ധിപ്പിച്ചത്‌.
കഴിഞ്ഞ സെപ്‌തംബറിലാണ്‌ കേസിന്‌ ആസ്‌പദമായ സംഭവം നടന്നത്‌. കുഞ്ഞിനെ തന്റെ അപ്പാര്‍ട്ടുമെന്റില്‍ പൂട്ടിയിട്ട ശേഷം രണ്ടാഴ്‌ചക്കാലത്തേക്ക്‌ കറങ്ങാന്‍ പോയ ഇവര്‍ തിരിച്ചെത്തിയപ്പോഴേക്കും കുഞ്ഞ്‌ മരിച്ചിരുന്നു. റഷ്യയെ ആകെ ഞെട്ടിച്ച സംഭവത്തില്‍ കുറ്റം സമ്മതിച്ച വിവേകശൂന്യയായ അമ്മയ്‌ക്ക് കോടതി പത്ത്‌ വര്‍ഷം കഠിന തടവ്‌ നല്‍കി. അപ്പീലുമായി സെന്റ്‌ പീറ്റേഴ്‌സബര്‍ഗ്‌ കോടതിയെ സമീപിച്ച അലീനയ്‌ക്ക് പക്ഷേ നിനച്ചിരിക്കാത്ത തിരിച്ചടിയാണ്‌ ലഭിച്ചത്‌.
കുറ്റം അലീനയുടേതല്ല, അവരെ കുട്ടിയെ പരിപാലിക്കാന്‍ പഠിപ്പിക്കാത്ത മാതാപിതാക്കന്‍മാരുടേതാണ്‌ എന്നായിരുന്നു പ്രതിഭാഗത്തിന്റെ വാദം! എന്നാല്‍, ഇത്‌ മുഖവിലക്കെടുക്കാതെ കോടതി അവരുടെ ക്രൂരതയ്‌ക്ക് 30 മാസം കൂടി അധിക ശിക്ഷ വിധിക്കുകയായിരുന്നു.
from kerala news edited
via IFTTT
