Story Dated: Sunday, February 22, 2015 02:40
മണ്ണഞ്ചേരി: അപകടത്തെ തുടര്‍ന്ന്‌ തിരുവനന്തപുരം ശ്രീചിത്ര മെഡിക്കല്‍ കോളജില്‍ ചികില്‍സയില്‍ കഴിയുന്ന മണ്ണഞ്ചേരി അഞ്ചാം വാര്‍ഡില്‍ കിഴക്കേകളത്തറ വീട്ടില്‍ വാസവന്റെ മകന്‍ മനോജിന്റെ ചികില്‍സയ്‌ക്കായി നാടൊന്നായി ഇറങ്ങി സമാഹരിച്ച പണം മനോജിന്റെ പിതാവിനു കൈമാറി.
ഒരു ദിവസം കൊണ്ട്‌ സമാഹരിച്ച ഒന്നേകാല്‍ ലക്ഷം രൂപയാണ്‌ ഇപ്പോള്‍ നല്‍കിയത്‌. ചികില്‍സാ പൂര്‍ത്തീകരണത്തിനായി മൂന്ന്‌ ലക്ഷം രൂപയോളം ചിലവാകുമെന്നാണ്‌ ആശുപത്രി അധികൃതര്‍ പറഞ്ഞത്‌.
ബാക്കിയുള്ള പണത്തിനായി വരും ദിവസങ്ങളില്‍ ശേഖരണപ്രവര്‍ത്തനങ്ങള്‍ക്കിറങ്ങാനുള്ള ഒരുക്കത്തിലാണ്‌ നാട്ടുകാര്‍.
നസറുദ്ദീന്‍ കണ്ടത്തില്‍ ചെയര്‍മാനും പി. ശിവാനന്ദന്‍ കണ്‍വീനറും പഞ്ചായത്ത്‌ പ്രസിഡന്റ്‌ പി.എ. ജുമൈലത്ത്‌, പി.രഘുനാഥ്‌, ഗീതാമുരളി, പൊന്നാട്‌ മഹല്‍ പ്രസിഡന്റ്‌ സി.സി നിസാര്‍, കാവുങ്കല്‍ ദേവസ്വം പ്രസിഡന്റ്‌ സി.പി രവീന്ദ്രന്‍, സി.സി സാലി, നിഷാദ്‌, അന്‍സില്‍, നിസാര്‍, രാജേന്ദ്രന്‍, സുനീര്‍ രാജ എന്നിവരുടെ നേതൃത്വത്തിലാണ്‌ ധനസമാഹരണപ്രവര്‍ത്തനങ്ങള്‍.
from kerala news edited
via IFTTT
