Story Dated: Sunday, February 22, 2015 02:40
തുറവൂര്‍: പീലിംഗ്‌ ഷെഡ്‌ഡ്‌ നടത്തിപ്പുകാരനായ ഗൃഹനാഥന്റെ ആത്മഹത്യ ബ്ലേഡ്‌ മാഫിയയുടെ ഭീഷണി മൂലമാണെന്ന്‌ കെ.പി.എം.എസ്‌ ഭാരവാഹികള്‍. കുത്തിയതോട്‌ പഞ്ചായത്ത്‌ മൂന്നാംവാര്‍ഡില്‍ നടുവിലേത്തറ മാധവന്റെ മകന്‍ സന്തോഷാ (47)ണ്‌ മരിച്ചത്‌.
കഴിഞ്ഞ 16-നാണ്‌ സന്തോഷിനെ വീടിനുള്ളില്‍ തൂങ്ങിമരിച്ച നിലയില്‍ കാണപ്പെട്ടത്‌. സംഭവദിവസം ഉച്ചയ്‌ക്ക്‌ 12.30-ന്‌ പണംലഭിക്കാനുണ്ടെന്ന്‌ പറഞ്ഞ്‌ കൊച്ചിയില്‍ നിന്ന്‌ കുറച്ചുപേര്‍ സന്തോഷിന്റെ വീട്ടിലെത്തിയിരുന്നു. 50 ലക്ഷം രൂപ നല്‍കാനുണ്ടെന്ന്‌ അവകാശപ്പെട്ടാണ്‌ ഇവര്‍ എത്തിയത്‌.
സന്തോഷിനെ കാണാതിരുന്നതിനെ തുടര്‍ന്ന്‌ തിരിച്ചുപോയ സംഘം വൈകിട്ടോടെ വീണ്ടും വീട്ടിലെത്തിയപ്പോഴാണ്‌ ഇയാളെ തൂങ്ങിമരിച്ച നിലയില്‍ കാണപ്പെട്ടത്‌. ബ്ലേഡ്‌ മാഫിയുടെ ഭീഷണിയാണ്‌ ആത്മഹത്യയ്‌ക്ക്‌ കാരണമെന്നുകാട്ടി കെ.പി.എം.എസ്‌ അരൂര്‍ യൂണിയന്‍ ഭാരവാഹികളായ ജനാര്‍ദ്ദനന്‍ ശാഖാപ്രസിഡന്റ്‌ എന്നിവര്‍ സി.എന്‍ ചന്ദ്രന്‍ എന്നിവര്‍ കുത്തിയതോട്‌ സി.ഐക്ക്‌ പരാതി നല്‍കി.
from kerala news edited
via IFTTT
