Story Dated: Sunday, February 22, 2015 02:41
നെടുമങ്ങാട്‌: കൊപ്പം-അരശുപറമ്പ്‌ മേഖലയില്‍ വ്യാപക മോക്ഷണശ്രമം. ശനിയാഴ്‌ച പുലര്‍ച്ചെ രണ്ടരയോടെ കൊപ്പം മുളമുക്ക്‌ എന്‍.എസ്‌ മന്‍സിലില്‍ അബ്‌ദുല്‍ നാസറിന്റെ വീടിന്റെ അടുക്കളവാതില്‍ കമ്പിപ്പാരകൊണ്ട്‌ തകര്‍ത്ത്‌ അകത്തുകടന്ന്‌ ഉറങ്ങുകയായിരുന്ന മകളുടെ കാലില്‍നിന്നും കൊലുസ്‌ മോഷ്‌ടിച്ചു. കഴുത്തിലെ മാല മോഷ്‌ടിക്കാനായി ടോര്‍ച്ച്‌ തെളിച്ചതും ഉണര്‍ന്ന്‌ നിലവിളിച്ചു. നിലവിളി കേട്ട്‌ വീട്ടിലുള്ളവര്‍ ഉണര്‍ന്നതും മോഷ്‌ടാവ്‌ ഓടിരക്ഷപെട്ടു.
നിമിഷങ്ങള്‍ക്കകം സമീപത്തെ കൃഷ്‌ണന്‍കുട്ടിനായരുടെ വീട്ടിലും മനേഷിന്റെ വീട്ടിലും സമീപത്തെ മറ്റൊരു വീട്ടിലും മോഷണശ്രമം നടന്നു. വീട്ടുകാര്‍ ഉണര്‍ന്നതിനാല്‍ മോഷ്‌ടിക്കാനായില്ല. പോലീസ്‌ സംഘം അടുത്തുള്ളപ്പോഴാണ്‌ മോഷണശ്രമം നടന്നത്‌. പോലീസ്‌ സ്‌ഥലത്തുണ്ടായിരുന്നിട്ടും മോഷ്‌ടാവ്‌ ധൈര്യമായി തന്റെ കരവിരുത്‌ തുടര്‍ന്നതിനാല്‍ നാട്ടുകാര്‍ രോഷാകുലരാണ്‌.
from kerala news edited
via IFTTT
