Story Dated: Monday, February 2, 2015 10:04
അഹമ്മദാബാദ്: ഗുജറാത്തിലെ ഒരു സ്‌കൂള്‍ വൃത്തിയാക്കുന്നതിനിടെ ഒരു കോടി രൂപയും 59 ലക്ഷം രൂപയുടെ സ്വര്‍ണവും കണ്ടെത്തി! ചാന്ദ്‌ഖേദായിക്ക് സമീപമുള്ള ഒ.എന്‍.ജി.സി. ക്യാമ്പസില്‍ പ്രവര്‍ത്തിക്കുന്ന കേന്ദ്രീയ വിദ്യാലയത്തിലെ അധ്യാപകരുടെ മുറിയിലുള്ള ലോക്കറില്‍ നിന്നുമാണ് സ്വര്‍ണവും പണവും കണ്ടെത്തിയത്. പ്രിന്‍സിപ്പലും അധ്യാപകരും ചേര്‍ന്ന് മുറി വൃത്തിയാക്കുന്നതിനിടെയാണ് കോടികള്‍ കയ്യിലെത്തിയത്.
അധ്യാപകരുടെ മുറിയില്‍ 20 ലോക്കറുകളാണുള്ളത്. ഇവ വൃത്തിയാക്കുന്നതിനിടയില്‍ അഞ്ച് ലോക്കറുകള്‍ തുറക്കുവാന്‍ സാധിച്ചില്ല. തുടര്‍ന്ന് ലോക്കറുകളുടെ പൂട്ട് തകര്‍ത്ത് പരിശോധിച്ചപ്പോഴാണ് സ്വര്‍ണവും, പണവും ലഭിച്ചത്. 100 ഗ്രാം വീതമുള്ള 21 സ്വര്‍ണ കട്ടകളാണ് ലഭിച്ചത്. സംഭവത്തെ തുടര്‍ന്ന് പ്രന്‍സിപ്പില്‍ പോലീസില്‍ വിവരമറിയിച്ചു. പോലീസ് എത്തി സ്വര്‍ണവും പണവും പിടിച്ചെടുത്തു. സംഭവത്തില്‍ സ്‌കൂളിലെ അധ്യാപകരില്‍ നിന്നും മറ്റ് ഉദ്യോഗസ്ഥരില്‍ നിന്നും പോലീസ് മൊഴിയെടുത്തു.
അധ്യാപകരുടെയും മറ്റും സ്വകാര്യ വസ്തുക്കള്‍ സൂക്ഷിക്കാനാണ് ഈ ലോക്കറുകള്‍ ഉപയോഗിക്കുന്നത്. താന്‍ സ്‌കൂളിലെത്തിയിട്ട് രണ്ട് വര്‍ഷത്തിനിടയില്‍ ഈ ലോക്കറുകള്‍ തുറന്നിട്ടില്ലെന്ന് പ്രിന്‍സിപ്പല്‍ അവദേഷ് കുമാര്‍ പറഞ്ഞു. സംഭവത്തെ തുടര്‍ന്ന് സ്‌കൂള്‍ പൂട്ടിയിട്ടിരിക്കുകയാണ്
from kerala news edited
via IFTTT
