പാര്‍ട്ടിയെ വീണ്ടും വെട്ടിലാക്കി സാധ്വി, ഹിന്ദുക്കള്‍ക്ക് നാല് കുട്ടികളാണ് വേണ്ടത്, 40 പട്ടിക്കുട്ടികളല്ല!

Story Dated: Monday, February 2, 2015 11:44

ന്യൂഡല്‍ഹി: ഹിന്ദു സ്ത്രീകള്‍ നാല് കുട്ടികള്‍ക്ക് ജന്‍മം നല്‍കണമെന്ന ഉപദേശത്തിനു പിന്നാലെ ബിജെപി നേതാവ് സാധ്വി പ്രാചി വീണ്ടും വിവാദവുമായി രംഗത്ത്. താന്‍ പറഞ്ഞത് ഹിന്ദു സ്ത്രീകള്‍ നാല് കുട്ടികളെ ഉത്പാദിപ്പിക്കണമെന്നാണ് അല്ലാതെ 40 പട്ടിക്കുട്ടികള്‍ക്ക് ജന്‍മംനല്‍കണമെന്നല്ല, എന്ന സാധ്വിയുടെ വിശദീകരണമാണ് വീണ്ടും വിവാദമായിരിക്കുന്നത്.

നേതാക്കള്‍ വിവാദ പ്രസ്താവനകള്‍ നടത്തുന്നത് ഒഴിവാക്കണം എന്ന് പ്രധാനമന്ത്രി നരേന്ദ്രമോഡി കര്‍ശന നിര്‍ദേശം നല്‍കിയിരിക്കെയാണ് സാധ്വി പ്രാചി തന്റെ വിവാദ പ്രസ്താവനയ്ക്ക് വിവാദ വിശദീകരണവുമായി രംഗത്തു വന്നിരിക്കുന്നത്.

രാജസ്ഥാനിലെ ഭില്‍വാരയില്‍ നടന്ന വിരാട് ഹിന്ദു സമ്മേളനത്തില്‍ വച്ചാണ് സാധ്വി ഹിന്ദുക്കള്‍ക്ക് നാല് കുട്ടികള്‍ വേണമെന്ന് വിവാദ പ്രസ്താവന നടത്തിയത്. ഹിന്ദു ജനസംഖ്യ കുറയുന്നുവെന്ന വാദമുഖമുയര്‍ത്തിയായിരുന്നു ഇത്.

from kerala news edited

via IFTTT