Story Dated: Monday, February 2, 2015 09:51
ന്യൂഡല്‍ഹി : ഡല്‍ഹിയില്‍ ക്രിസ്‌ത്യന്‍ പള്ളിയ്‌ക്കു നേര്‍ക്ക്‌ വീണ്ടും ആക്രമണം. വസന്ത്‌കുഞ്ച്‌ അല്‍ഫോണ്‍സാ ദേവാലയത്തിനു നേരെയാണ്‌ ആക്രമണം ഉണ്ടായത്‌. പള്ളിയുടെ വാതിലുകള്‍ അക്രമികള്‍ അടിച്ചു തകര്‍ത്തു. പള്ളിക്കുള്ളിലെ വസ്‌തുക്കള്‍ വലിച്ചു വാരിയിട്ട നിലയിലാണ്‌. സംഭവത്തിന്‌ പിന്നില്‍ ആരാണെന്ന്‌ വ്യക്‌തമല്ല. കഴിഞ്ഞ ദിവസവും ഇതേ പള്ളിക്ക്‌ നേരെ ഇത്തരം ആക്രമണം ഉണ്ടായിരുന്നു.
ഡിസംബര്‍ ആദ്യം കിഴക്കന്‍ ഡല്‍ഹിയിലെ ദില്‍ഷാദ്‌ ഗാര്‍ഡനില്‍ സെന്റ്‌ സെബാസ്‌റ്റ്യന്‍സ്‌ ദേവാലയം തീയിട്ട്‌ നശിപ്പിച്ചിരുന്നു. പള്ളിയുടെ ഒന്നാം നിലയില്‍ മണ്ണെണ്ണക്കുപ്പി കണ്ടെത്തിയതാണ്‌ ദുരൂഹതക്ക്‌ ഇടയാക്കിയിരുന്നു.പിന്നീട്‌ തെക്കന്‍ ഡല്‍ഹിയില്‍ പള്ളിക്കുനേരെ കല്ലേറുണ്ടായി.
from kerala news edited
via IFTTT
