Story Dated: Monday, February 2, 2015 10:32
ന്യൂഡല്‍ഹി: ഡല്‍ഹിയില്‍ ക്രിസ്ത്യന്‍ പള്ളിക്കു നേര്‍ക്ക് വീണ്ടും ആക്രമണം. വസന്ത്കുഞ്ച് അല്‍ഫോണ്‍സാ ദേവാലയത്തിനു നേരെയാണ് ആക്രമണം ഉണ്ടായത്. പള്ളിയുടെ വാതിലുകള്‍ അക്രമികള്‍ അടിച്ചു തകര്‍ത്തു. പള്ളിക്കുള്ളിലെ വസ്തുക്കള്‍ വലിച്ചു വാരിയിട്ട നിലയിലാണ്. സംഭവത്തിന് പിന്നില്‍ ആരാണെന്ന് വ്യക്തമല്ല.
വെളുപ്പിന് മൂന്നു മണിയോടെ പളളി മതില്‍ ചാടിക്കടന്ന അക്രമികള്‍ ഗേറ്റ് അടിച്ചു തകര്‍ത്തു. ദേവാലയത്തിന്റെ വാതിലുകള്‍ തകര്‍ത്ത അക്രമികള്‍ പളളിക്കകത്തും നാശനഷ്ടങ്ങളുണ്ടാക്കിയിട്ടുണ്ട്. അലമാരകളും ആരാധനാവസ്തുക്കളും വലിച്ചുവാരിയിട്ട നിലയിലാണ്.
ഡിസംബര്‍ ആദ്യം കിഴക്കന്‍ ഡല്‍ഹിയിലെ ദില്‍ഷാദ് ഗാര്‍ഡനില്‍ സെന്റ് സെബാസ്റ്റിയന്‍സ് ദേവാലയം തീയിട്ട് നശിപ്പിച്ചിരുന്നു. പള്ളിയുടെ ഒന്നാം നിലയില്‍ മണ്ണെണ്ണക്കുപ്പി കണ്ടെത്തിയിരുന്നു. കഴിഞ്ഞ മാസം ഡല്‍ഹിയിലെ വികാസ്പുരിയില്‍ ഒരു പളളിക്കു നേരെ ആക്രമണം നടത്തിയ നാലു പേര്‍ പിടിയിലായിരണുന്നു. സിസിസിടിവി ദൃശ്യങ്ങളുടെ സഹായത്തോടെയാണ് ഇവര്‍ പിടിയിലായത്. എന്നാല്‍, ഇവര്‍ക്ക് പ്രത്യേക സംഘടനുകളുമായി ബന്ധമില്ല എന്ന് പോലീസ് പിന്നീട് പറഞ്ഞു. ജനുവരിയില്‍ രോഹിണിയില്‍ ഒരു പളളിക്കു നേരെയും ആക്രമണമുണ്ടായി.
പളളികള്‍ക്ക് നേരെ കരുതിക്കൂട്ടിയുളള ആക്രമണമാണ് നടക്കുന്നതെന്ന് ക്രിസ്ത്യന്‍ സഭകള്‍ ആരോപിച്ചു. പളളികള്‍ക്കു നേരെ ആസൂത്രിതമായ ആക്രമണമാണ് നടക്കുന്നതെന്നും കൂടുതല്‍ പളളികള്‍ അക്രമികള്‍ ലക്ഷ്യമിടുകയാണെന്നും ഡല്‍ഹി ആര്‍ച്ച് ബിഷപ്പ് അനില്‍ സിജെ കോട്ടോ പറഞ്ഞു.
from kerala news edited
via IFTTT
