മോഡിയെ കുഴപ്പത്തിലാക്കരുതെന്ന് വി.എച്ച്.പി; ബി.ജെ.പിയെ വിമര്‍ശിച്ച് ആര്‍.എസ്.എസ് മുഖപത്രം

Story Dated: Monday, February 16, 2015 02:00

ലുധിയാന: ഡല്‍ഹി പരാജയത്തിന്റെ പേരില്‍ പ്രധാനമന്ത്രി നരേന്ദ്ര മോഡിയെ പ്രതിസന്ധിയിലാക്കുന്ന പ്രസ്താവനകള്‍ നടത്തരുതെന്ന് സംഘ പരിവാര്‍ നേതാക്കള്‍ക്ക് വി.എച്ച്.പിയുടെ നിര്‍ദേശം. ഹിന്ദു സംസ്‌കാരവും വിശ്വാസവും ചേര്‍ന്നുപോകുന്ന ഒരു സര്‍ക്കാര്‍ ദീര്‍ഘകാലത്തിനു ശേഷമാണ് അധികാരത്തിലെത്തുന്നത്. അതിനാല്‍ ഹിന്ദു നേതാക്കള്‍ സംതുലിതമായ പ്രസ്താവനകള്‍ നടത്തണമെന്ന് വി.എച്ച്.പി രാജ്യാന്തര പ്രസിഡന്റ് രാഘവ് റെഡ്ഡി ലുധിയാനയില്‍ പറഞ്ഞു.

മോഡിക്ക് കൂടുതല്‍ സമയം നല്‍കണം. അദ്ദേഹം പ്രവര്‍ത്തിക്കട്ടെ. വരുംനാളുകളില്‍ ഭാരതീയ സ്വപ്നം അദ്ദേഹം സൃഷ്ടിക്കും. രാജ്യത്തെ ജനങ്ങളുടെ സംസ്‌കാരത്തെയും വിശ്വാസത്തെയും കുറിച്ച് മോഡിക്ക് ബോധ്യമുണ്ടെന്നും രാഘവ് റെഡ്ഡി പറഞ്ഞു.

അതേസമയം, ഡല്‍ഹി പരാജയത്തില്‍ ബി.ജെ.പിക്കെതിരെ രൂക്ഷ വിമര്‍ശനവുമായി ആര്‍.എസ്.എസ് മുഖപത്രമായ 'ഓര്‍ഗനൈസര്‍' രംഗത്തെത്തി. കിരണ്‍ ബേദിയെ അവസാന നിമിഷം കെട്ടിയിറക്കിയതാണ് ബി.ജെ.പി നേരിട്ട പരാജയത്തിന് പ്രധാന കാരണമെന്ന് ഓര്‍ഗനൈസര്‍ ലേഖനത്തില്‍ പറയുന്നു. ഡല്‍ഹിയിലെ മുതിര്‍ന്ന നേതാക്കളില്‍ നേതൃത്വത്തിന് വിശ്വാസമില്ലെന്നും കെ്ജരിവാളിനു മുന്നില്‍ പരാജയം സമ്മതിച്ചുവെന്നുമുള്ള സന്ദേശമാണ് പാര്‍ട്ടി പ്രവര്‍ത്തകര്‍ക്ക് ലഭിച്ചത്. മോശമായ പ്രചരണമാണ് ഡല്‍ഹിയില്‍ ബി.ജെ.പി നടത്തിയത്. പ്രചരണഘട്ടത്തില്‍ തന്നെ ബി.ജെ.പി പ്രതിരോധത്തിലായിരുന്നു.

മുഖ്യമന്ത്രി സ്ഥാനാര്‍ഥി സംബന്ധിച്ച പ്രഖ്യാപനം മുതിര്‍ന്ന ബി.ജെ.പി നേതാക്കളില്‍ നിരാശയുണ്ടാക്കി. നേതാക്കളെയും പ്രവര്‍ത്തകരെയും നിരാശരാക്കിയതിന് ബി.ജെ.പി വില നല്‍കേണ്ടിവന്നുവെന്നും ഓര്‍ഗനൈസര്‍ പറയുന്നു.

from kerala news edited

via IFTTT