സ്ഥിരമായി ആഹാരം നല്‍കിയിരുന്ന സ്ത്രീയുടെ മൃതദേഹം കാണാന്‍ തെരുവ് നായ്ക്കള്‍ വീട്ടിലെത്തി

Story Dated: Sunday, March 29, 2015 07:26

മെക്‌സികോ സിറ്റി: ഏറ്റവും നന്ദിയും സ്‌നേഹവുമുള്ള ജീവിയാണ് നായ്ക്കള്‍. ഇതിന് ഉദാഹരണങ്ങള്‍ നിരവധിയാണ്. ഏറ്റവുമൊടുവില്‍ നായകളുടെ കലര്‍പ്പില്ലാത്ത സ്‌നേഹത്തിന്റെ ഉദാഹരണം മെക്‌സിക്കോയില്‍ നിന്ന്. തങ്ങള്‍ക്ക് സ്ഥിരമായി ആഹാരം നല്‍കിയിരുന്ന സ്ത്രീയുടെ മൃതദേഹം കാണാന്‍ തെരുവ് നായ്ക്കള്‍ കൂട്ടത്തോടെ എത്തി.

മെക്‌സിക്കോയിലെ മെരിഡയിലാണ് സംഭവം. മാര്‍ഗരീറ്റ സുവാരസ് എന്ന സ്ത്രീ സ്ത്രീയുടെ മൃതദേഹം കാണാനാണ് തെരുവ് നായ്ക്കള്‍ കൂട്ടത്തോടെ എത്തിയത്. മൃഗസ്‌നേഹിയായിരുന്ന മാര്‍ഗരീറ്റ ഭക്ഷണം നല്‍കിയിരുന്ന ഇരുപതോളം തെരുവ് നായ്ക്കള്‍ തങ്ങളുടെ പ്രിയപ്പെട്ട അന്നദാതാവിനെ അവസാനമായി ഒരുനോക്ക് കണുന്നതിന് എത്തി.

മാര്‍ഗരീറ്റയുടെ മൃതദേഹം പൊതുദര്‍ശനത്തിന് വച്ചിരിക്കുന്ന ഹാളിലും സമീപ മുറികളിലുമായി നായ്ക്കള്‍ കിടക്കുന്നതിന്റെ ചിത്രങ്ങള്‍ മെക്‌സിക്കന്‍ മാധ്യമങ്ങള്‍ പുറത്തുവിട്ടു. മാര്‍ഗരീറ്റയുടെ മൃതദേഹം വഹിച്ചുകൊണ്ടുള്ള ശവമഞ്ചത്തിന് പിന്നാലെ വിലാപയാത്രയിലും നായ്ക്കള്‍ പിന്തുടര്‍ന്നു.

View As One PageView As Slideshow

from kerala news edited

via IFTTT