Story Dated: Sunday, March 29, 2015 08:14
ജമ്മു: കാശ്‌മീരില്‍ കനത്ത മഴയെ തുടര്‍ന്ന്‌ ശ്രീനഗര്‍-ജമ്മു ദേശിയപാത താല്‍ക്കാലികമായി അടച്ചു. ഝെലം നദിയിലെ ജലനിരപ്പ്‌ വേഗത്തില്‍ ഉയരുന്നതിനാല്‍ അപകട സാധ്യതകള്‍ മൂന്‍നിര്‍ത്തിയാണ്‌ നടപടി.
കനത്ത മഴയെ തുടര്‍ന്ന്‌ ശനിയാഴ്‌ച പ്രദേശത്ത്‌ 18 വീടുകള്‍ ഉള്‍പ്പെടെ 44 കെട്ടിടങ്ങള്‍ക്ക്‌ കനത്ത കേടുപാടുകള്‍ സംഭവിച്ചതായി അധികൃതര്‍ അറിയിച്ചു. ശനിയാഴ്‌ച മഴ കനത്തതിനെ തുടര്‍ന്ന്‌ ശ്രീനഗര്‍-ജമ്മു ദേശിയ പാത അറ്റകുറ്റപ്പണികള്‍ക്കായി നേരത്തെ അടച്ചിരുന്നു. എന്നാല്‍ ഞായറാഴ്‌ചയും മഴ കനത്തതിനെ തുടര്‍ന്നും ഝെലം നദിയിലെ ജലനിരപ്പ്‌ ഉയരുന്നതും കണക്കിലെടുത്ത്‌ ഇനിയൊരു അറിയിപ്പ്‌ ഉണ്ടാകുന്നതുവരെ പാത അടച്ചിടാനാണ്‌ തീരുമാനം.
from kerala news edited
via IFTTT
