Story Dated: Sunday, March 29, 2015 01:58
തിരുവനന്തപുരം: ചാലയില്‍ എസ്‌.ഡി.പി.ഐ. പ്രവര്‍ത്തകന്റെ ഷെഡ്‌ പൊളിക്കുന്നതുമായി ബന്ധപ്പെട്ട്‌ സംഘര്‍ഷം. ഇരുകൂട്ടര്‍ക്കുമെതിരെ പോലീസ്‌ കേസ്‌ എടുത്തു. ചാല കരുപ്പെട്ടിക്കടയ്‌ക്ക്‌ സമീപം ഇന്നലെ ഉച്ചയ്‌ക്കായിരുന്നു സംഭവം. എസ്‌.ഡി.പി.ഐ. പ്രവര്‍ത്തകന്‍ നടത്തിവന്നിരുന്ന ഉള്ളി സ്‌റ്റാള്‍ പുതുക്കി പാര്‍ട്ടി ഓഫീസ്‌ തുടങ്ങാന്‍ പോകുകയാണെന്ന്‌ ആരോപിച്ച്‌ സി.ഐ.ടി.യു.,ഐ.എന്‍.ടി.യു.സി.,ബി.എം.എസ്‌. എന്നീ സംഘടകള്‍ കോര്‍പ്പറേഷനില്‍ പരാതി നല്‍കിയിരുന്നു.
ഇതിന്റെ അടിസ്‌ഥാനത്തില്‍ ഡെപ്യൂട്ടി മേയര്‍ ഹാപ്പികുമാറിന്റെ നേതൃത്വത്തില്‍ ഒരു സംഘം എത്തി പരിശോധനയ്‌ക്ക് ശേഷം ഷെഡ്‌ പൊളിച്ചുമാറ്റാന്‍ ആവശ്യപ്പെട്ടു. ഇതിനെ തുടര്‍ന്ന്‌ മറ്റു തൊഴിലാളി സംഘടനാ പ്രവര്‍ത്തകരും എസ്‌.ഡി.പി.ഐ. പ്രവര്‍ത്തകരുമായി ഉണ്ടായ വാക്കേറ്റം സംഘര്‍ഷത്തില്‍ കലാശിക്കുകയായിരുന്നു. ഫോര്‍ട്ട്‌ പോലീസ്‌ എത്തി സ്‌ഥിതി നിയന്ത്രണ വിധേയമാക്കി. പോലീസ്‌ മൂന്ന്‌ കേസ്‌ രജിസ്‌റ്റര്‍ ചെയ്‌തിട്ടുണ്ട്‌.
from kerala news edited
via IFTTT
