Story Dated: Sunday, March 29, 2015 01:58
ബാലരാമപുരം: ഐത്തിയൂര്‍ കരയ്‌ക്കാട്ടുവിള മൈതിന്‍കണ്ണിന്റെ വീട്‌ കത്തിനശിച്ചു. ഇരുമ്പ്‌ ഷീറ്റ്‌ പതിച്ച വീടായിരുന്നു എങ്കിലും ഉളളില്‍ പലകകൊണ്ടുളള തട്ട്‌ ഉണ്ടായിരുന്നതിനാല്‍ മുഴുവനും കത്തി. കഴിഞ്ഞ ദിവസം വൈകിട്ട്‌ 7.30 ഓടെയാണ്‌ സംഭവം. തീ കത്തി പിടിക്കുന്നതുകണ്ട്‌ വീട്ടിനുളളില്‍ ഉണ്ടായിരുന്ന സ്‌ത്രീകളും കുട്ടികളും നിലവിളിച്ചുകൊണ്ട്‌ പുറത്തേക്കോടി. സമീപവാസികളായ ചെറുപ്പക്കാരുടെ ശ്രമഫലവും നെയ്യാറ്റിന്‍കര ഫയര്‍ഫോഴ്‌സ് യൂണിറ്റും ബാലരാമപുരം പോലീസിന്റെയും സഹായത്തോടെ 8.30 ഓടെ തീ പൂര്‍ണമായും അണച്ചു. ഷോര്‍ട്ട്‌ സര്‍ക്യൂട്ടാണ്‌ തീ പിടിക്കാന്‍ കാരണമെന്ന്‌ പറയുന്നു. മൂന്നുലക്ഷം രൂപയുടെ നഷ്‌ടമുണ്ടെന്ന്‌ മൈതീന്‍കണ്ണ്‌ പറയുന്നു. തീപിടിച്ച സമയം മൈതീന്‍കണ്ണ്‌ ചാമവിളയിലെ മുറുക്കാന്‍ കടയിലായിരുന്നു.
from kerala news edited
via IFTTT
