Story Dated: Sunday, March 29, 2015 01:58
തിരുവനന്തപുരം: കിഴക്കേകോട്ടയിലെ ഒരു ജൂവലറിയില്‍ നിന്നും സ്വര്‍ണാഭരണങ്ങള്‍ വാങ്ങി 3 ലക്ഷം രൂപ നല്‍കാതെ മുങ്ങിയ പ്രതി പിടിയില്‍. കരുനാഗപ്പള്ളി പാലത്തിന്‍കടവ്‌ ജംഗ്‌ഷനു സമീപം കളിയിക്കല്‍ വീട്‌ മുഹമ്മദ്‌ കുഞ്ഞിന്റെ മകന്‍ തോക്ക്‌സലാം എന്ന്‌ വിളിക്കുന്ന അബ്‌ദുല്‍ സലാമിനെയാണ്‌ ഫോര്‍ട്ട്‌ പോലീസ്‌ അറസ്‌റ്റു ചെയ്‌തത്‌.
ഇതേ കേസിന്റെ അന്വേഷണത്തിനെത്തിയ പോലീസ്‌ സംഘത്തെ ആക്രമിച്ച്‌ പരുക്കേല്‍പ്പിച്ച കേസിലും ഇയാള്‍ പ്രതിയാണ്‌. സംഭവശേഷം പോലീസിനെ വെട്ടിച്ച്‌ ഒളിവില്‍പോയ പ്രതിയെ ക്രൈം ഡിറ്റാച്ച്‌മെന്റ്‌ എ.സി. കെ.ഇ ബൈജു, ഫോര്‍ട്ട്‌ എ.സി. സുധാകരന്‍പിള്ള, സി.ഐ അജി ചന്ദ്രന്‍ നായര്‍, എസ്‌.ഐ ഷാജിമോന്‍, ജി.എസ്‌.ഐ ഗോപകുമാര്‍, സിറ്റി ഷാഡോ പോലീസിലെ ഷാജി , ഗോപന്‍, അരുണ്‍, രഞ്‌ജിത്‌ എന്നിവര്‍ ചേര്‍ന്നാണ്‌ അറസ്‌റ്റ് ചെയ്‌തത്‌. പ്രതിയെ കോടതിയില്‍ ഹാജരാക്കി റിമാന്‍ഡ്‌ ചെയ്‌തു.
from kerala news edited
via IFTTT
