Story Dated: Tuesday, March 24, 2015 02:28
കോഴിക്കോട്‌: ഇംഗ്ലീഷ്‌ ആന്‍ഡ്‌ ഫോറിന്‍ ലാംഗ്വേജ്‌ യൂണിവേഴ്‌സിറ്റി ( ഇഫ്‌ലു), അലീഗഢ്‌ മുസ്ലിം യൂണിവേഴ്‌സിറ്റി എന്നിവയുടെ പ്രവേശന പരീക്ഷാ കേന്ദ്രങ്ങള്‍ ഒഴിവാക്കാനുള്ള തീരുമാനത്തിനെതിരെ ശക്‌തമായി പ്രതിഷേധിക്കുമെന്ന്‌ എസ്‌.ഐ.ഒ സംസ്‌ഥാന പ്രസിഡന്റ്‌ നഹാസ്‌ മാള പത്രസമ്മേളനത്തില്‍ പറഞ്ഞു.
27ന്‌ ഇഫ്‌ലുവിന്റെ പ്രവേശന പരീക്ഷാകേന്ദ്രമായ പോണ്ടിച്ചേരിയിലേക്ക്‌ കോഴിക്കോട്‌ എറണാകുളം എന്നിവിടങ്ങളില്‍ നിന്നം വിദ്യാര്‍ഥികളുടെ സമരബസ്‌ സംഘടിപ്പിക്കും. 28-ന്‌ സമരബസ്‌ പോണ്ടിച്ചേരിയില്‍ എത്തിച്ചേരും. തെക്കന്‍ സംസ്‌ഥാനങ്ങളുടെ ഏക കേന്ദ്രമായ കോഴിക്കോട്‌ സെന്റര്‍ നഷ്‌ടമാവുന്നതോടെ നൂറോളം വിദ്യാര്‍ഥികളുടെ ഉന്നത പഠന സാധ്യതയാണ്‌ ഇല്ലാതവുന്നതെന്ന്‌ നവാസ്‌ പറഞ്ഞു. ശംസീര്‍ ഇബ്‌റാഹിം, എ.ആദില്‍, ശഫീഖ്‌ അന്നമട എന്നിവര്‍ പത്രസമ്മേളനത്തില്‍ പങ്കെടുത്തു.
from kerala news edited
via IFTTT
