Story Dated: Tuesday, March 24, 2015 05:13
ഓയൂര്‍: ഓടനാവട്ടം കട്ടയില്‍ വീടു കയറി അക്രമത്തില്‍ വയോധികനു പരുക്കേറ്റു. കാര്‍ അടിച്ചു തകര്‍ത്തു. ഒരാള്‍ അറസ്‌റ്റില്‍. കട്ടയില്‍ കുളത്തുകരോട്ട്‌ വീട്ടില്‍ നാഗപ്പന്‍പിള്ള(74)യാണ്‌ അക്രമിയുടെ മര്‍ദനത്തില്‍ പരുക്കേറ്റത്‌. സംഭവവുമായി ബന്ധപ്പെട്ട്‌ അയല്‍വാസിയായ ചന്ദ്രബാബു(45)വിനെയാണ്‌ അറസ്‌റ്റ് ചെയ്‌തത്‌. ഇന്നലെ ഉച്ചയ്‌ക്ക് ഒന്നിനായിരുന്നു സംഭവം.
നാഗപ്പന്‍പിള്ളയുടെ വീട്ടിലെത്തിയ ചന്ദ്രബാബു യാതൊരു പ്രകോപനവും കൂടാതെ വീട്ടുമുറ്റത്തു കിടന്ന കാര്‍ അടിച്ചുതകര്‍ക്കുകയും വീട്ടിനുള്ളില്‍ അതിക്രമിച്ചു കയറി നാഗപ്പന്‍പിള്ളയെ കല്ലുകൊണ്ട്‌ ഇടിച്ചു പരുക്കേല്‌പ്പിക്കുകയുമായിരുന്നു. ബഹളം കേട്ട്‌ ഓടിക്കൂടിയ പരിസരവാസികള്‍ ഇയാളെ തടഞ്ഞുവച്ച്‌ പൂയപ്പള്ളി പോലീസിനു കൈമാറുകയായിരുന്നു.
from kerala news edited
via IFTTT
