Story Dated: Tuesday, March 24, 2015 06:38
ഗൂഡല്ലൂര്‍: കരടിയുടെ ആക്രമണത്തില്‍ വീട്ടമ്മ മരിച്ചു. കോത്തഗിരി അണ്ണാനഗര്‍ തോട്ടമുക്ക്‌ മാതി(55)യാണ്‌ മരിച്ചത്‌. ഇവരുടെ ഭര്‍ത്താവ്‌ കാളന്‍(60), മക്കളായ ദിനകരന്‍(22), കുമാര്‍(20) എന്നിവര്‍ക്ക്‌ പരുക്കേറ്റു. ഇവരെ കോത്തഗിരി ആശുപത്രിയില്‍ പ്രവേശിപ്പിച്ചു. വീടിനടുത്തുള്ള തോട്ടത്തില്‍ തേയില പറിക്കാന്‍ ഇന്നലെ രാവിലെ പോയതായിരുന്നു മാതി. വൈകിട്ട്‌ ഏറെ സമയം കഴിഞ്ഞിട്ടും തിരിച്ചു വരാതിരുന്നതിനെ തുടര്‍ന്ന്‌ ഭര്‍ത്താവും മക്കളും നടത്തിയ തെരച്ചിലിലാണ്‌ തോട്ടത്തിന്‌ പരിസരത്ത്‌ മൃതദേഹം കണ്ടത്‌. ഇതിനിടയില്‍ തോട്ടത്തില്‍ തന്നെയുണ്ടായിരുന്ന കരടി ഇവരെയും ആക്രമിക്കുകയായിരുന്നു.
from kerala news edited
via IFTTT
