Story Dated: Saturday, March 14, 2015 12:48
ജോഹന്നാസ്‌ബര്‍ഗ്‌: വൈദ്യശാസ്‌ത്രത്തില്‍ മറ്റൊരു നാഴികകല്ലു കൂടി പാകിക്കൊണ്ട്‌ ലോകത്തില്‍ ആദ്യമായി ലംഗം മാറ്റിവെക്കല്‍ ശസ്‌ത്രക്രിയ വിജയകരമായി നടന്നു. ആദ്യ ലിംഗം മാറ്റിവെക്കല്‍ ശസ്‌ത്രക്രിയയ്‌ക്ക് ദക്ഷിണാഫ്രിക്കയാണ്‌ ആതിഥേയത്വം വഹിച്ചത്‌. കേപ്‌ ടൗണിലെ ടിഗര്‍ബര്‍ഗ്‌ ആശുപത്രിയിലാണ്‌ വിജയകരമായി ലിംഗം മാറ്റിവെക്കല്‍ ശസ്‌ത്രക്രിയ നടന്നത്‌. 21കാരനായ യുവാവിന്റെ ലിംഗമാണ്‌ മാറ്റിവെച്ചതെന്ന്‌ ആശുപത്രി കധികൃതര്‍ അറിയിച്ചു.
ആചാരങ്ങളുടെ ഭാഗമായി ജനനേന്ദ്രിയത്തിന്റെ അഗ്രം മുറിച്ചു കളയുന്ന ചടങ്ങിനിടെ ഇയാള്‍ക്ക്‌ ഗുരുതരമായി പരുക്കേറ്റിരുന്നു. ഇതിനെ തുടര്‍ന്ന്‌ മൂന്ന്‌ വര്‍ഷം മുമ്പ്‌ ഇയാളുടെ ലിംഗം പൂര്‍ണമായും മുറിച്ചു മാറ്റിയിരുന്നു. പിന്നീട്‌ ഇയാള്‍ക്ക്‌ ശസ്‌ത്രക്രിയയിലൂടെ ഡോക്‌ടര്‍മാര്‍ പുതിയ ലിംഗം തുന്നിച്ചേര്‍ക്കുകയായിരുന്നു.
മരിച്ച ഒരാളുടെ ലിംഗം അയാളില്‍ നിന്നെടുത്ത്‌ 21കാരന്റെ ശരീരത്തില്‍ തുന്നി ചേര്‍ക്കുകയായിരുന്നു. സ്‌റെല്‍നെസ്‌ബോഷ്‌ സര്‍വകലാശാലയിലെ ഫ്രാങ്ക്‌ ഗ്രേയിന്റെ നേതൃത്വത്തിലുള്ള ഡോക്‌ടര്‍മാരുടെ സംഘമാണ്‌ ശസ്‌ത്രക്രിയ നടത്തിയത്‌. ആഫ്രിക്കയില്‍ ആദിവാസികളായ കൗമാരകാര്‍ക്കിടയില്‍ ആചാരത്തിന്റെ ഭാഗമായി ജനനേന്ദ്രിയത്തിലുണ്ടാവുന്ന പരുക്കിലും, അണുബാധയിലും നൂറു കണക്കിന്‌ യുവാക്കളാണ്‌ ഓരോ വര്‍ഷവും മരിക്കുന്നത്‌.
from kerala news edited
via IFTTT
