Story Dated: Friday, April 3, 2015 07:29
ബംഗലൂരു: ബി ജെ പിയ്‌ക്ക് ഇനിയും അദ്‌ഭുതങ്ങള്‍ സൃഷ്‌ടിക്കാന്‍ കഴിയുമെന്ന്‌ പ്രധാനമന്ത്രി നരേന്ദ്ര മോഡി . ബംഗലൂരുവിലെ ബി ജെ പി ഭാരവാഹി യോഗത്തില്‍ സംസാരിക്കുകയായിരുന്നു അദ്ദേഹം. പാര്‍ട്ടി അംഗസംഖ്യ പത്ത്‌ കോടയിലെത്തിക്കാന്‍ എല്ലാവരും മുന്നിട്ടിറങ്ങണമെന്നും മോഡി ആഹ്വാനം ചെയ്‌തു.
കേന്ദ്ര സര്‍ക്കാരിന്റെ പ്രവര്‍ത്തനങ്ങള്‍ക്ക്‌ കൂടുതല്‍ പ്രചാരണം നല്‍കണം ഇതിന്‌ താന്‍ തന്നെ മുന്നിട്ടിറങ്ങുമെന്നും മോഡി പറഞ്ഞു. പാര്‍ട്ടിയില്‍ അംഗങ്ങളെ ചേര്‍ക്കുന്നതില്‍ മുന്നേറ്റം നടത്തിയ കേരളാ സംസ്‌ഥാനഘടകത്തെ യോഗത്തില്‍ അഭിനന്ദിച്ചു. പത്ത്‌ മാസത്തെ ഭരണം മികച്ച നേട്ടമുണ്ടാക്കിയെന്നും യോഗം വിലയിരുത്തി. നിര്‍വാഹക സമിതിയില്‍ അവതരിപ്പിക്കേണ്ട രണ്ട്‌ പ്രമേയങ്ങള്‍ക്ക്‌ യോഗത്തില്‍ രൂപം നല്‍കുകയും ചെയ്‌തു.
from kerala news edited
via IFTTT
