Story Dated: Thursday, April 2, 2015 01:09
അഞ്ചല്‍: കോമളം രാജേഷ്‌ ഭവനില്‍ ഗോപിനാഥന്‍പിള്ള (56)യെ കൊലപ്പെടുത്തിയ കേസില്‍ ഒരാളെ അഞ്ചല്‍ പോലീസ്‌ അറസ്‌റ്റ് ചെയ്‌തു. ഏരൂര്‍ മയിലാടുംകുന്ന്‌ സുനില്‍ വിലാസത്തില്‍ സുനിലാ(46)ണു പിടിയിലായത്‌. കഴിഞ്ഞമാസം 16നായിരുന്നു സംഭവം. കുടുംബവുമായി അകന്നു കഴിയുകയായിരുന്ന ഗോപിനാഥന്‍പിള്ള രാത്രി അംഗന്‍വാടിയുടെ തിണ്ണയില്‍ ഉറങ്ങവേ പ്രതി ഇവിടെ ഉറങ്ങാന്‍ വരികയും ഗോപിനാഥന്‍പിള്ള ഇത്‌ എതിര്‍ക്കുകയും ചെയ്‌തു.
വാക്കേറ്റത്തെതുടര്‍ന്നു സുനില്‍ ബാഗില്‍ സൂക്ഷിച്ചിരുന്ന കത്തിയെടുത്തു ഗോപിനാഥന്‍പിള്ളയുടെ തലയ്‌ക്കു വെട്ടുകയായിരുന്നുവെന്ന്‌ പോലീസ്‌ പറഞ്ഞു. അഞ്ചല്‍ സി.ഐ. കെ.ബി. മനോജ്‌കുമാറിന്റെ നേതൃത്വത്തിലാണ്‌ പ്രതിയെ അറസ്‌റ്റ് ചെയ്‌തത്‌.
from kerala news edited
via IFTTT
