Story Dated: Friday, April 3, 2015 02:35
ആറ്റിങ്ങല്‍: എ.സി.വിയുടെ വാര്‍ത്താസംഘത്തെ ആക്രമിച്ച കെ.എസ്‌.ആര്‍.ടി.സി ജീവനക്കാര്‍ക്കെതിരെ നടപടി സ്വീകരിക്കണമെന്നാവശ്യപ്പെട്ട്‌ സി.ഐയ്‌ക്ക് പരാതി നല്‍കി. കഴിഞ്ഞ ദിവസം ആറ്റിങ്ങല്‍ കെ.എസ്‌.ആര്‍.ടി.സി ബസ്സ്റ്റാന്റിനു മുന്നില്‍ ദേശീയപാതയിലൂടെ പോയ കാറിനെ തട്ടിയ കെ.എസ്‌.ആര്‍.ടി.സി ബസിന്റെ ദൃശ്യങ്ങള്‍ പകര്‍ത്തിയ എ.സി.വി ക്യാമറാമാന്‍ അഖില്‍, റിപ്പോര്‍ട്ടര്‍ സതീഷ്‌, എന്നിവരെയാണ്‌ കെ.എസ്‌.ആര്‍.ടി.സി ജീവനക്കാര്‍ മര്‍ദ്ദിക്കുകയും ക്യാമറ തല്ലിത്തകര്‍ക്കുകയും ചെയ്‌തത്‌.
ബസ്‌ഡ്രൈവറുടെ അശ്രദ്ധയാണ്‌ അപകട കാരണമെന്നു പറഞ്ഞ്‌ വാക്കേറ്റം നടക്കുന്നതിനിടെയില്‍ എത്തിയ എ.സി.വി. സംഘം സംഭവം റിക്കാര്‍ഡ്‌ ചെയ്യുന്നതിനിടെയിലാണ്‌ കെ.എസ്‌.ആര്‍.ടി.സി ജീവനക്കാര്‍ മാധ്യമപ്രവര്‍ത്തകര്‍ക്കെതിരെ ആക്രമണം അഴിച്ചുവിട്ടത്‌. ഇതിനിടെ ബസ്‌ ജീവനക്കാരിലൊരാള്‍ ക്യാമറ പിടിച്ചു വാങ്ങുന്നതിനിടെ താഴെ വീണ്‌ ക്യാമറക്ക്‌ കാര്യമായ കേടുപാട്‌ പറ്റിയിരുന്നു.
from kerala news edited
via IFTTT
