Story Dated: Tuesday, December 2, 2014 03:14
നെയ്‌റോബി: കെനിയയിലെ മന്ദേര കൗണ്ടിയില്‍ അക്രമികള്‍ നടത്തിയ വെടിവയ്പില്‍ 36 തൊഴിലാളികള്‍ കൊല്ലപ്പെട്ടു. ഒരു ക്വാറിയിലെ തൊഴിലാളികളാണ് കൊല്ലപ്പെട്ടത്. മുസ്ലീം വിഭാഗത്തില്‍പെട്ടവരെ മാറ്റിനിര്‍ത്തിയ ശേഷം ക്രിസ്ത്യന്‍ തൊഴിലാളികളെ കൂട്ടക്കൊല ചെയ്യുകയായിരുന്നു. ചൊവ്വാഴ്ച പ്രദേശിക സമയം ഉച്ചയ്ക്കായിരുന്നു അക്രമം. കോര്‍മിയിലെ ക്വാറിക്കു സമീപമുള്ള ടെന്റില്‍ വിശ്രമിക്കുകയായിരുന്ന തൊഴിലാളികളാണ് കൊല്ലപ്പെട്ടത്. നേരത്തെ സമീപത്തുള്ള ബാറില്‍ വച്ച് ഒരു മുസ്ലീം ഇതര വിഭാഗക്കാരന്‍ കൊല്ലപ്പെട്ടിരുന്നു.
കഴിഞ്ഞ ദിവസം ഇതേ മേഖലയില്‍ തന്നെ മുസ്ലീം ഇതര വിശ്വാസികളായ 28 ബസ് യാത്രക്കാര്‍ കൊല്ലപ്പെട്ടിരുന്നു. സൊമാലിയയില്‍ നിന്നുള്ള ഇസ്ലാമിക തീവ്രവാദ സംഘടനയായ അല്‍ -ഷബാബ് ആയിരുന്നു ആക്രമണത്തിനു പിന്നില്‍. 2011 മുതല്‍ കെനിയയില്‍ അല്‍-ഷബാബ് ആക്രമണം പതിവാണ്.
from kerala news edited
via IFTTT
