Story Dated: Tuesday, December 2, 2014 08:53
കിളിമാനൂര്‍: നാടന്‍ ചാരായം വാറ്റി വില്‍ക്കുന്നതിനിടെ കര്‍ണാടക സ്വദേശിയടക്കം നാലുപേരെ കിളിമാനൂര്‍ പോലീസ്‌ അറസ്‌റ്റ് ചെയ്‌തു. പാപ്പാല ആനപ്പാറ അമ്മുവിലാസത്തില്‍ ഷാജി (31), അടയമണ്‍ കുന്നില്‍ വീട്ടില്‍ ഷിബു (26), അടയമണ്‍ വയ്യാറ്റിന്‍കര കുളപ്പാറവീട്ടില്‍ സുനില്‍കുമാര്‍ (35), കര്‍ണാടക സ്വദേശിയായ വിനായക്‌ (26) എന്നിവരെയാണ്‌ ഇന്നലെ പുലര്‍ച്ചെ പാപ്പാല ആനപ്പാറ അമ്മുവിലാസം വീട്ടില്‍ നിന്നും പോലീസ്‌ പിടികൂടിയത്‌.
കിളിമാനൂര്‍ പോലീസിന്‌ കിട്ടിയ രഹസ്യ വിവരത്തെ തുടര്‍ന്നാണ്‌ ഷാജിയുടെ വീട്‌ പോലീസ്‌ റെയ്‌ഡ് ചെയ്‌തത്‌. റെയ്‌ഡില്‍ മൂന്നരലിറ്റര്‍ വാറ്റ്‌ ചാരായവും വാഷും വാറ്റ്‌ ഉപകരണങ്ങളും പോലീസ്‌ പിടിച്ചെടുത്തു. ഇവരെ ആറ്റിങ്ങല്‍ കോടതി റിമാന്‍ഡ്‌ ചെയ്‌തു.
from kerala news edited
via IFTTT
