Story Dated: Tuesday, December 2, 2014 01:27
കല്‍പ്പറ്റ: സിവില്‍ സപ്ലൈസ്‌ വകുപ്പിലെ ജീവനക്കാരുടെ 36 തസ്‌തികകള്‍ വെട്ടിക്കുറച്ച സര്‍ക്കാര്‍ നടപടിക്കെതിരേ സിവില്‍ സപ്ലൈസ്‌ ജീവനക്കാരുടെ സംയുക്‌ത സമരസമിതി സൂചനാ പണിമുടക്ക്‌ നടത്തി. ജീവനക്കാര്‍ സിവില്‍സ്‌റ്റേഷന്‍ പരിസരത്ത്‌ പ്രകടനവും നടത്തി. ജില്ലയിലെ മുഴുവന്‍ സപ്ലൈ ഓഫീസുകളും അടഞ്ഞുകിടന്നു. ജില്ലയിലാകെയുള്ള 82 ജീവനക്കാരില്‍ അഞ്ചുപേരൊഴികെ എല്ലാവരും പണിമുടക്കില്‍ പങ്കെടുത്തതായി നേതാക്കള്‍ അറിയിച്ചു. ജോയിന്റ്‌ കൗണ്‍സില്‍ നേതാവ്‌ ശ്രീരാമകൃഷ്‌ണന്‍, എന്‍.ജി.ഒ യൂണിയന്‍ ജില്ലാ സെക്രട്ടറി അജയകുമാര്‍, എന്‍.ജി.ഒ സംഘ്‌ ജില്ലാ സെക്രട്ടറി ഗോപാലകൃഷ്‌ണന്‍, കെ.സി.എസ്‌.ഒ.എഫ്‌ സംസ്‌ഥാന സെക്രട്ടറി ടി.ആര്‍. ബിനില്‍ കുമാര്‍, ജയപ്രകാശ്‌ എന്നിവര്‍ പ്രസംഗിച്ചു.
from kerala news edited
via IFTTT
