Story Dated: Tuesday, December 2, 2014 08:53
ആറ്റിങ്ങല്‍: കാത്തിരിപ്പ്‌ കേന്ദ്രത്തിന്‌ മുകളില്‍ മരം വീണു. സീലിംഗും വൈദ്യുതിവിളക്കും നിലംപതിച്ചു. ദേശീയ പാതയില്‍ കച്ചേരി ജംഗ്‌ഷനുസമീപം സബ്‌ ട്രഷറിയുടെ മുന്നിലെ കാത്തിരിപ്പ്‌ കേന്ദ്രത്തിന്റെ സീലിംഗാണ്‌ ഇളകി വീണത്‌. ഇന്നലെ രാത്രി പെയ്‌ത മഴയില്‍ ട്രഷറി വളപ്പിലെ മഹാഗണി മരത്തിന്റെ ഉണങ്ങിയ ശിഖരം കാത്തിരിപ്പ്‌ കേന്ദ്രത്തിന്റെ മുകളില്‍ വീണാണ്‌ നാശമുണ്ടായത്‌. ശബ്‌ദം കേട്ട്‌ ട്രഷറി ഡ്യൂട്ടിയിലുണ്ടായിരുന്ന പോലീസുകാരാണ്‌ ആദ്യം എത്തിയത്‌.
രാവിലെ ബസ്‌ കയറാന്‍ വന്നവരാണ്‌ കാത്തിരിപ്പ്‌ കേന്ദ്രം തകര്‍ന്ന്‌ കിടക്കുന്നത്‌ കണ്ടത്‌. കേന്ദ്രത്തിന്റെ മേല്‍ക്കൂരയില്‍ പതിപ്പിച്ച സീലിംഗിന്റെ കുറച്ചു ഭാഗവും വൈദ്യുതിവിളക്കും ഇളകി താഴെ വീണ നിലയിലായിരുന്നു. രാത്രിയായതിനാല്‍ ആള്‍ അപായമുണ്ടായില്ല. പകല്‍ സമയത്തായിരുന്നെങ്കില്‍ യാത്രക്കാര്‍ക്ക്‌ ബുദ്ധിമുട്ടുണ്ടായേനെ.
from kerala news edited
via IFTTT
