Story Dated: Tuesday, December 2, 2014 04:29
ന്യൂഡല്‍ഹി: ഇന്ത്യന്‍ മാങ്ങകളുടെ ഇറക്കുമതി നിരോധിച്ചത്‌ യൂറോപ്യന്‍ യൂണിയന്‍ പിന്‍വലിച്ചേക്കും. ഈ വര്‍ഷം മെയ്‌ 1 മുതലാണ്‌ ഇന്ത്യന്‍ മാങ്ങകള്‍ ഇറക്കുമതി ചെയ്യുന്നത്‌. യൂറോപ്യന്‍ യൂണിയന്‍ നിരോധിച്ചത്‌. യൂറോപ്യന്‍ യൂണിയനിലെ 28 രാജ്യങ്ങളും ഇന്ത്യന്‍ മാങ്ങകളുടെ ഇറക്കുമതി നിരോധിച്ചു. അല്‍ഫോണ്‍സ മാങ്ങകള്‍ക്ക്‌ പുറമെ ഇന്ത്യയില്‍ നിന്നുള്ള പച്ചക്കറികളുടെ ഇറക്കുമതിയും യൂറോപ്യന്‍ യൂണിയന്‍ നിരോധിച്ചിരിക്കുകയാണ്‌.
ഇന്ത്യയിലെ പഴം, പച്ചക്കറി സംസ്‌കരണ ശാലകള്‍ പരിശോധിക്കുന്നതിന്‌ യൂറോപ്യന്‍ യൂണിയന്റെ ഫുഡ്‌ ആന്‍ഡ്‌ വെറ്റിനറി ഓഫീസ്‌ പ്രതിനിധികള്‍ ഈയിടെ ഇന്ത്യയില്‍ എത്തിയിരുന്നു. പരിശോധനയില്‍ ഇന്ത്യയിലെ പഴം, പച്ചക്കറി സംസ്‌കരണ ശാലകളിലെ സാഹചര്യം തൃപ്‌തികരമാണെന്നാണ്‌ യൂറോപ്യന്‍ യൂണിയന്‍ പ്രതിനിധികള്‍ വെളിപ്പെടുത്തിയതായാണ്‌ സൂചന. ഈ സാഹചര്യത്തില്‍ ഇറക്കുമതി നിരോധനം പിന്‍വലിക്കുമെന്ന്‌ പ്രതീക്ഷിക്കുന്നതായി എക്‌സ്പോര്‍ട്ട്‌ ഇന്‍സ്‌പെക്ഷന്‍ കൗണ്‍സില്‍ ഓഫ്‌ ഇന്ത്യ ഡയറക്‌ടര്‍ എസ്‌.കെ സക്‌സേന പറഞ്ഞു.
ഇന്ത്യന്‍ മാങ്ങകളുടെയും പച്ചക്കറികളുടെയും ഗുണനിലവാരം പരിശോധിക്കാന്‍ യൂറോപ്യന്‍ യൂണിയന്‍ പ്രതിനിധികളെ അയയ്‌ക്കുന്ന കാര്യ േകേന്ദ്ര വാണിജ്യ മന്ത്രി നിര്‍മ്മലാ സീതാരാമനും സ്‌ഥിരീകരിച്ചിരുന്നു.
from kerala news edited
via IFTTT
