Story Dated: Tuesday, December 2, 2014 08:53
വര്‍ക്കല: മുത്തൂറ്റ്‌ ബാങ്കിന്റെ നടയറശാഖയുടെ പൂട്ടുപൊളിച്ച്‌ കവര്‍ച്ചക്ക്‌ ശ്രമിച്ച ആളെ വര്‍ക്കല പോലീസ്‌ അറസ്‌റ്റ് ചെയ്‌തു. കരുനിലക്കോട്‌ -ശശിവിലാസത്തില്‍ സന്തോഷ്‌ (49) ആണ്‌ അറസ്‌റ്റിലായത്‌. ഞായറാഴ്‌ച രാത്രിയാണ്‌ കവര്‍ച്ചാശ്രമം നടന്നത്‌. ബാങ്കിന്റെ മുന്‍വശത്തെ ഗ്രില്ലിന്റെ പൂട്ട്‌ തകര്‍ത്തത്‌ തിങ്കളാഴ്‌ചയാണ്‌ ജീവനക്കാരുടെ ശ്രദ്ധയില്‍പ്പെട്ടത്‌.
തുടര്‍ന്ന്‌ വക്കല പോലീസില്‍ പരാതി നല്‍കി. ബാങ്കിലെ സി.സി.ടി.വി ദൃശ്യങ്ങള്‍ പരിശോധിച്ചാണ്‌ പ്രതിയെ കണ്ടെത്തിയത്‌. വര്‍ക്കല സി.ഐ. വിനോദ്‌, എസ്‌.ഐ. ജെ. എസ്‌. പ്രവീണ്‍ എന്നിവരുടെ നേതൃത്വത്തിലാണ്‌ അറസ്‌റ്റ്. പ്രതിയെ വര്‍ക്കല കോടതിയില്‍ ഹാജരാക്കി റിമാന്‍ഡ്‌ ചെയ്‌തു.
from kerala news edited
via IFTTT
