അപകടം വരുത്തിയ ജീപ്പ്‌ നിര്‍ത്തിയില്ലെന്ന്‌; അഞ്ചു ദിവസമായിട്ടും നടപടിയില്ല

Story Dated: Wednesday, December 17, 2014 02:04

കുറ്റ്യാടി: വിവാഹ യാത്രയ്‌ക്കിടെ ബൈക്കിനെ ഇടിച്ച ജീപ്പ്‌ നിര്‍ത്താതെ പോയതായി പരാതി.അപകടത്തില്‍ ബൈക്ക്‌ യാത്രക്കാരനായ കായക്കൊടി എള്ളീക്കാംപാറയിലെ നായക്കൊരുമ്പ പൊയില്‍ ലിജേഷിന്‌ ഗുരുതരമായി പരിക്കേറ്റിരുന്നു.

ഒരു കൈക്കും കാലിനും പൊട്ടലേറ്റ ലിജേഷ്‌ രണ്ട്‌ ദിവസം കോഴിക്കോട്‌ മെഡിക്കല്‍ കോളജ്‌ ആശുപത്രിയില്‍ ചികിത്സയിലായിരുന്നു.കഴിഞ്ഞ വ്യാഴായ്‌ച വൈകുന്നേരം ഏഴോടെയാണ്‌ നാദാപുരത്തെ ജോലി സ്‌ഥലത്ത്‌ നിന്നും വീട്ടിലേക്ക്‌ വരുന്നതിനിടയില്‍ കക്കട്ടിലിനടത്ത കുളങ്ങരത്ത്‌ വെച്ച്‌ വിവാഹ യാത്രയ്‌ക്ക് പോയി വരുന്ന ജീപ്പ്‌ ലിജേഷിന്റെ ബൈക്കിനിടിച്ചത്‌.ലിജേഷിനൊപ്പം ബൈക്കില്‍ സഞ്ചരിക്കുകയായിരുന്ന ചാത്തന്‍കോട്ട്‌ നടയിലെ സുരേഷിനും പരിക്കേറ്റിരുന്നു.സംഭവുമായി ബന്ധപ്പെട്ട്‌ അന്നുതന്നെ ലിജേഷ്‌ കുറ്റ്യാടി പോലീസ്‌ സ്‌റ്റേഷനില്‍ വണ്ടിയുടെ നമ്പര്‍ അടക്കം നല്‍കി കേസ്‌ കൊടുത്തെങ്കിലും ദിവസം അഞ്ച്‌ കഴിഞ്ഞിട്ടും ഇതുവരെ വണ്ടി പിടിച്ചെടുക്കാന്‍ അധികൃതര്‍ തയ്ാറായയിട്ടില്ല.ലിജേഷ്‌ സഞ്ചരിച്ച ബൈക്ക്‌ പൂര്‍ണമായി തകര്‍ന്നിട്ടുമുണ്ട്‌.

from kerala news edited

via IFTTT