Story Dated: Thursday, December 18, 2014 01:47
മലപ്പുറം: കേന്ദ്ര യുവജന കാര്യ- കായിക മന്ത്രാലയം നടപ്പിലാക്കുന്ന രാജീവ്‌ ഗാന്ധി ഖേല്‍ അഭിയാന്‍ (ആര്‍.ജി.കെ.എ) പദ്ധതിയില്‍ ഉള്‍പ്പെടുത്തുന്നതിന്‌ സംസ്‌ഥാന സ്‌പോര്‍ട്‌സ് കൗണ്‍സില്‍ ബ്ലോക്ക്‌ പഞ്ചായത്തുകളില്‍ നിന്നും അപേക്ഷ ക്ഷണിച്ചു. പദ്ധതിയില്‍ ഉള്‍പ്പെടുന്ന ബ്ലോക്ക്‌ പഞ്ചായത്തുകള്‍ക്ക്‌ ഇന്‍ഡോര്‍ ഹാള്‍, കളിസ്‌ഥലം എന്നീ അടിസ്‌ഥാന സൗകര്യങ്ങളുടെ വികസനത്തിനായി 80 ലക്ഷം വീതം രൂപ ലഭിക്കും.
കുറഞ്ഞത്‌ ആറോ ഏഴോ ഏക്കര്‍ വിസ്‌താരത്തില്‍ കളിസ്‌ഥലമുള്ള ബ്ലോക്ക്‌ പഞ്ചായത്തുകള്‍ക്ക്‌ അപേക്ഷിക്കാം. നിശ്‌ചിത ഫോമിലുള്ള അപേക്ഷ എക്‌സിക്യൂട്ടീവ്‌ കമ്മിറ്റിയുടെ അംഗീകാരത്തോടെ കേരള സേ്‌റ്ററ്റ്‌ സ്‌പോര്‍ട്‌സ് കൗണ്‍സിലില്‍ നല്‍കണം. സ്‌ഥലം അപര്യാപ്‌തമാണെങ്കില്‍ ഗവ:കോളെജ്‌/ഗവ:സ്‌കൂള്‍ , എയ്‌ഡഡ്‌ കോളെജ്‌/ഏയ്‌ഡഡ്‌ സ്‌കൂള്‍ എന്നിവയുടെ കളിസ്‌ഥലങ്ങള്‍ ബന്ധപ്പെട്ട സ്‌കൂള്‍ /കോളെജ്‌ അധികാരികളുടെ സമ്മതത്തോടെ തെരെഞ്ഞെടുക്കാം. അപേക്ഷയുടെ മാതൃക ജില്ലാ സ്‌പോര്‍ട്‌സ് കൗണ്‍സിലില്‍ഓഫീസിലും ലഭിക്കും. ഫോണ്‍: 04832734701.
from kerala news edited
via IFTTT
