Story Dated: Thursday, December 18, 2014 01:47
പെരിന്തല്‍മണ്ണ: 12കുപ്പി വിദേശമദ്യവുമായി ഒരാള്‍ പിടിയില്‍. ക്രിസ്‌തുമസ്‌ ദിനാഘോഷങ്ങളുടെ ഭാഗമായി എക്‌സൈസ്‌ വകുപ്പിന്റെ ആഭിമുഖ്യത്തില്‍ നടക്കുന്ന പ്രത്യേക റെയ്‌ഡിലാണു മങ്കറ ഞാറക്കോട്ടില്‍ അയ്യപ്പന്റെ മകന്‍ ശങ്കരന്‍(54) വിദേശമദ്യവുമായി പിടിയിലായത്‌. പെരിന്തല്‍മണ്ണ ടൗണ്‍ കേന്ദ്രീകരിച്ചു മദ്യവില്‍പന നടക്കുന്നതായി ലഭിച്ച രഹസ്യവിവരത്തെ തുടര്‍ന്നു ടൗണിലും പരിസരങ്ങളിലും നടത്തിയ റെയ്‌ഡിലാണു ഇയാളെ പിടികൂടിയത്‌. പെരിന്തല്‍മണ്ണ എക്‌സൈസ്‌ റേഞ്ച്‌ ഇന്‍സ്‌പെക്‌ടര്‍ പി.എം കുഞ്ഞിമുഹമ്മദ്‌, സിവില്‍ എക്‌സൈസ്‌ ഓഫീസര്‍മാരായ കെ.സി അച്യുതന്‍, വി.കെ ഷരീഫ്‌ എന്നിവരാണു സംഘത്തിലുണ്ടായിരുന്നത്‌.
from kerala news edited
via IFTTT
