ക്രെഡായ് കൊച്ചി പ്രോപ്പര്‍ട്ടി ഷോ19 ന് തുടങ്ങും
കൊച്ചി: ബില്‍ഡര്‍മാരുടെ കൂട്ടായ്മയായ ക്രെഡായിയുടെ (കോണ്‍ഫെഡറേഷന്‍ ഓഫ് റിയല്‍ എസ്റ്റേറ്റ് ഡവലപ്പേഴ്‌സ് അസോസിയേഷന്‍സ് ഓഫ് ഇന്ത്യ) പ്രോപ്പര്‍ട്ടി ഷോ വീണ്ടും കൊച്ചിയില്‍. കലൂര്‍ അന്താരാഷ്ട്ര സ്റ്റേഡിയത്തില്‍ 19, 20, 21 തീയതികളിലാണ് മേള.
പ്രോപ്പര്‍ട്ടി ഷോയുടെ ഇത്തവണത്തെ മുഖ്യ സ്‌പോണ്‍സര്‍ ഭവനവായ്പാ പദ്ധതികളില്‍ മുന്‍നിരയില്‍ നില്‍ക്കുന്ന പി.എന്‍.ബി. ഹൗസിങ് 10.15 ശതമാനം പലിശനിരക്കില്‍ ഭവന വായ്പാ സൗകര്യം ഒരുക്കിയിട്ടുണ്ട്. കൂടാതെ ഭവനവായ്പാ പദ്ധതികളുമായി പല പ്രമുഖ ബാങ്കുകളും ധനകാര്യ സ്ഥാപനങ്ങളും മേളയില്‍ അണിനിരക്കുന്നുണ്ട്.
മഹാനഗരമായി വളര്‍ന്നുകൊണ്ടിരിക്കുന്ന കൊച്ചിയില്‍ ഇഷ്ടപ്പെട്ട സ്ഥലത്ത് വ്യത്യസ്ത ഡിസൈനുകളില്‍ നിര്‍മിച്ച ഭവനങ്ങളാണ് പ്രോപ്പര്‍ട്ടി ഷോയില്‍ ഒരുക്കിയിരിക്കുന്നത്. രാവിലെ 10 മുതല്‍ വൈകുന്നേരം 8 വരെയാണ് സന്ദര്‍ശന സമയം.
from kerala news edited
via IFTTT
