Story Dated: Thursday, December 18, 2014 01:47
എടപ്പാള്‍: കോലളബ്‌ നിക്ഷേപ തട്ടിപ്പുകേസിലെ ഒന്നാംപ്രതി സക്കീറിന്റെ ഉടമസ്‌ഥതയിലുള്ള ചങ്ങരംകുളും സൗത്ത്‌ഇന്ത്യന്‍ ബാങ്കിലെ ലോക്കര്‍ ഇന്നു തുറന്നു പരിശോധിക്കും. തട്ടിപ്പുകേസ്‌ അന്വേഷിക്കുന്ന െ്രെകംബ്രാഞ്ച്‌ ഡിവൈ.എസ്‌.പി പ്രശോഭിന്റെ നേതൃത്വത്തിലുള്ള അന്വേഷണ സംഘമാണു ഇന്നു രാവിലെ പത്തിനു ലോക്കര്‍ തുറന്നു പരിശോധിക്കുന്നത്‌. അന്വേഷണവുമായി ബന്ധപെട്ട്‌ സീല്‍ ചെയ്‌ത ലോക്കര്‍ തുറന്നു പരിശോധിക്കാന്‍ കോടതി കഴിഞ്ഞ ദിവസം അനുമതി നല്‍കിരുന്നു.
അഞ്ചു കിലൊ സ്വര്‍ണ്ണം ലോക്കറിനകത്തു സൂക്ഷിച്ചിട്ടുള്ളതായി ചോദ്യം ചെയ്യലില്‍ വിവരം ലഭിച്ചതായി സൂചനയുണ്ട്‌. ഇതിനുപുറമെ തട്ടിപ്പിലൂടെ സ്വരൂപിച്ച പണം എപ്രകാരമാണു ചെലവഴിച്ചതെന്നതിനെ കുറിച്ചുള്ള കൂടുതല്‍ വിവരങ്ങള്‍ ലഭ്യമാകുമെന്നാണ്‌ അന്വേഷണ സംഘം പ്രതീക്ഷിക്കുന്നത്‌. തട്ടിപ്പിലൂടെ സ്വരൂപിച്ച പണം ഉപയോഗിച്ച്‌ വിവിധയിടങ്ങളില്‍ വാങ്ങിയ സ്‌ഥലങ്ങളെ കുറിച്ചുള്ള വിവരങ്ങള്‍ നേരത്തെ ആന്യേഷണ സംഘത്തിനു ലഭിച്ചിരുന്നു. ഈ വിവരങ്ങളുടെ അടിസ്‌ഥാനത്തില്‍ അന്വേഷണം പുരോഗമിച്ചു വരികയാണ്‌.
from kerala news edited
via IFTTT
