Story Dated: Thursday, December 18, 2014 10:48
കൊച്ചി: മതേതര വിവാഹങ്ങള്‍ പ്രോത്സാഹിപ്പിക്കുന്നതിനായി ഡി.വൈ.എഫ്.ഐ ആരംഭിച്ച സെക്കുലര്‍ മാര്യേജ് ഡോട്ട് കോം എന്ന വെബ്‌സൈറ്റ് ഹാക്ക് ചെയ്യപ്പെട്ടു. ഇസ്ലാമിക് ആര്‍മി എന്ന പേരിലുള്ള ഇസ്ലാമിക് ഹാക്കര്‍മാരാണ് സൈറ്റ് ഹാക്ക് ചെയ്തത്. കൊമോഡോ എന്ന ബാനറാണ് സൈറ്റില്‍ കാണുന്നത്. ഒരു പോരാളിയുടെ ചിത്രവും നല്‍കിയിട്ടുണ്ട്. യാ മുഹമ്മദ്, യാ അള്ള എന്നീ വാക്കുകളും സൈറ്റില്‍ എഴുതിയിട്ടുണ്ട്.
അമേരിക്കയ്ക്കും ഇസ്രായേലിനുമെതിരായ പരാമര്‍ശവും സൈറ്റിലുണ്ട്. ഇസ്‌ലാമിനെ മാനിക്കാത്ത എല്ലാ രാജ്യങ്ങള്‍ക്കുമെതിരെ സൈബര്‍ ആക്രമണം നടത്തുമെന്നും ഇസ്ലാമിക് ആര്‍മി മുന്നറിയിപ്പു നല്‍കുന്നു.
മിശ്ര വിവാഹങ്ങള്‍ പ്രോത്സാഹിപ്പിക്കുക എന്ന ലക്ഷ്യത്തോടെ കഴിഞ്ഞ ദിവസമാണ് ഡി.വൈ.എഫ്.ഐ സൈറ്റ് ആരംഭിച്ചത്. മിശ്ര വിവാഹിതരായ സംവിധായകന്‍ ആഷിക് അബുവും ഭാര്യ റിമ കല്ലിങ്കലും ചേര്‍ന്നായിരുന്നു ഉദ്ഘാടനം.
from kerala news edited
via IFTTT
