Story Dated: Thursday, December 18, 2014 01:47
പുത്തൂര്‍: പുത്തൂര്‍ ടൗണിനു സമീപം പ്രവര്‍ത്തിക്കുന്ന കുഴിക്കലിടവക ഗവ. എല്‍.പി. സ്‌കൂളില്‍ സാമൂഹിക വിരുദ്ധ ശല്യം വര്‍ധിക്കുന്നു. മദ്യപന്മാരുടേയും സാമൂഹിക വിരുദ്ധരുടേയും താവളമാക്കിയി സ്‌കൂള്‍ മാറി. ഇരുട്ടിന്റെ മറവില്‍ ഇവിടെവന്ന്‌ മദ്യപിച്ചിട്ട്‌ കുപ്പികളും ഗ്ലാസുകളും പൊട്ടിച്ചിടുകയും ഉപേക്ഷിക്കുകയും ചെയ്യുന്നത്‌ പതിവായിരിക്കുകയാണ്‌. സ്‌കൂള്‍ വരാന്തയില്‍ സൂക്ഷിച്ചിരിക്കുന്ന ടാങ്കില്‍ നിന്നും വെള്ളം ഉപയോഗിക്കുകയും അതില്‍ മാലിന്യങ്ങള്‍ നിക്ഷേപിക്കുകയും ചെയ്യുകയാണ്‌ രീതി. ചുറ്റുമതില്‍ പൊളിഞ്ഞ്‌ കിടക്കുന്നതിനാല്‍ സാമൂഹിക വിരുദ്ധര്‍ നിഷ്‌പ്രയാസം അകത്ത്‌ കടക്കുന്നു. അടയന്തിരമായി ഇതിന്‌ പരിഹാരം കാണണമെന്ന്‌ നാട്ടുകാര്‍ ആവശ്യപ്പെടുന്നു.
from kerala news edited
via IFTTT
