പ്രേക്ഷക ലോകം കാത്തിരുന്ന ഷങ്കര്‍വിക്രം ടീമിന്റെ 'ഐ' ജനവരി 14ന് ലോകമെമ്പാടുമുള്ള 25,000 തിയേറ്ററുകളില്‍ പ്രദര്‍ശനത്തിനെത്തുമെന്ന് നിര്‍മാതാക്കളായ ആസ്‌കാര്‍ ഫിലിംസ് അറിയിച്ചു. ഗ്ലോബല്‍ യുണൈറ്റഡ് മീഡിയാ കമ്പനി െ്രെപവറ്റ് ലിമിറ്റഡാണ് കേരളത്തിലെ 225 തിയേറ്ററുകളില്‍ ചിത്രം പ്രദര്‍ശനത്തിനെത്തിക്കുന്നത്.
ചൈനീസ്, ജപ്പാന്‍ ഉള്‍പ്പെടെ നിരവധി വിദേശ ഭാഷകളിലൊരുങ്ങുന്ന ചിത്രം ചൈനയില്‍ മാത്രം 12,000 തിയേറ്ററുകളില്‍ പ്രദര്‍ശിപ്പിക്കുമെന്നാണ് അണിയറപ്രവര്‍ത്തകര്‍ അവകാശപ്പെടുന്നത്. ഇന്ത്യന്‍ സിനിമയിലെയും ഹോളിവുഡിലെയും സാങ്കേതികവിദഗ്ധര്‍ കൈകോര്‍ക്കുന്നുവെന്നതാണ് സിനിമയുടെ മറ്റൊരു പ്രത്യേകത. 180 കോടിയാണ് ചിത്രത്തിന്റെ നിര്‍മാണച്ചെലവെന്ന് നിര്‍മാതാവ് വി. രവിചന്ദ്രന്‍ പറഞ്ഞു. എ.ആര്‍. റഹ്മാന്‍ സംഗീതം നല്‍കിയ അഞ്ച് ഗാനങ്ങളാണ് സിനിമയിലുള്ളത്. സുരേഷ്‌ഗോപി, സന്താനം തുടങ്ങി വലിയൊരു താരനിര ചിത്രത്തിലുണ്ട്. എമി ജാക്‌സനാണ് ചിത്രത്തില്‍ വിക്രമിന്റെ നായിക.
from kerala news edited
via IFTTT
