Story Dated: Wednesday, January 7, 2015 03:20
പമ്പ: അയ്യപ്പഭക്‌തനെ പോലീസ്‌ ഉദ്യോഗസ്‌ഥന്‍ മര്‍ദിച്ചതായി പരാതി. ഇന്നലെ രാവിലെ ശബരിമല ദര്‍ശനം കഴിഞ്ഞെത്തിയ കൊല്ലം ചാത്തനാട്‌ സ്വദേശി കെ.ആര്‍.വി. ബൈജു (44)വിനെയാണ്‌ പമ്പയില്‍ ഡ്യൂട്ടിയിലുണ്ടായിരുന്ന ഉദ്യോഗസ്‌ഥന്‍ മര്‍ദിച്ചത്‌. പമ്പയിലെ ക്യൂവില്‍ നിന്ന മറ്റൊരു ഭക്‌തന്‌ ചന്ദനത്തിരി നല്‍കുന്നതിനിടയിലാണ്‌ പോലീസ്‌ ഉദ്യോഗസ്‌ഥന്‍ ഇദ്ദേഹത്തെ കഴുത്തിനു കുത്തിപ്പിടിച്ച്‌ തള്ളുകയും നിലത്തിട്ട്‌ ചവിട്ടുകയും ചെയ്‌തത്‌. കൈയ്‌ക്കും പുറത്തും പരിക്കേറ്റ ബൈജുവിനെ പമ്പ ഗവ.ആശുപത്രിയില്‍ പ്രവേശിപ്പിച്ചതിനുശേഷം പമ്പ പോലീസില്‍ പരാതി നല്‍കി.
from kerala news edited
via IFTTT
