Story Dated: Tuesday, January 6, 2015 02:03
വടക്കാഞ്ചേരി: ഒന്നര കിലോ കഞ്ചാവുമായി തമിഴ്‌നാട്‌ സ്വദേശി ഉള്‍പ്പെടെ രണ്ട്‌ യുവാക്കളെ എക്‌സൈസ്‌ അധികൃതര്‍ അറസ്‌റ്റ് ചെയ്‌തു. തമിഴ്‌നാട്‌ വെല്ലൂര്‍ സ്വദേശി മുരുകന്‍ (25), പാലക്കാട്‌ വാടാനകുറിശി സ്വദേശി സുരേഷ്‌ (25) എന്നിവരെ മായന്നൂര്‍ പാലത്തിനു സമീപത്തുനിന്ന്‌ എക്‌സൈസ്‌ സര്‍ക്കിള്‍ ഇന്‍സ്‌പെക്‌ടര്‍ വൈ. ഷിബുവിന്റെ നേതൃത്വത്തിലാണു പിടികൂടിയത്‌. യുവാക്കള്‍ സഞ്ചരിച്ചിരുന്ന ബൈക്കും കസ്‌റ്റഡിയിലെടുത്തു. തമിഴ്‌നാട്ടില്‍നിന്നു ട്രെയിന്‍മാര്‍ഗം കഞ്ചാവ്‌ എത്തിച്ച്‌ ചെറുകിട കച്ചവടക്കാര്‍ക്ക്‌ വില്‌പന നടത്തുന്നവരാണു പ്രതികള്‍. കഴിഞ്ഞമാസം വടക്കാഞ്ചേരിയില്‍നിന്നും ചെറുതുരുത്തിയില്‍നിന്നുമായി പത്തുകിലോ കഞ്ചാവ്‌ പിടികൂടിയിരുന്നു.
from kerala news edited
via IFTTT
