Story Dated: Wednesday, January 7, 2015 03:19
ചെര്‍പ്പുളശേരി: എസ്‌.വൈ.എസ്‌ അറുപതാം വാര്‍ഷികത്തോടനുബന്ധിച്ച്‌ കേരളത്തിലെ നിര്‍ധനകുടുംബാംഗങ്ങള്‍ക്ക്‌ നിര്‍മിച്ച്‌ നല്‍കുന്ന ഭവനങ്ങളുടെ ഭാഗമായി നെല്ലായയില്‍ നിര്‍മിച്ച വീടിന്റെ താക്കോല്‍ദാനവും ഹുബ്ബുറസൂല്‍ കോണ്‍ഫറന്‍സും നാളെ വൈകീട്ട്‌ നാലിന്‌ നെല്ലായയില്‍ നടക്കും. ഉച്ചക്ക്‌ രണ്ടിന്‌ പേങ്ങാട്ടിരി സുന്നിസെന്ററില്‍ നടക്കുന്ന സഫ്‌ വാ സംഗമത്തോടെയാണ്‌ ഹുബ്ബുറസൂല്‍ കോണ്‍ഫറന്‍സിന്‌ തുടക്കമാകുക. വൈകീട്ട്‌ നാലിന്‌ പേങ്ങാട്ടിരിയില്‍ നിന്നും നെല്ലായയിലേക്ക്‌ മീലാദ്‌ സന്ദേശറാലി നടക്കും. തുടര്‍ന്ന്‌ നടക്കുന്ന പൊതുസമ്മേളനം എസ്‌.വൈ.എസ്‌ സംസ്‌ഥാന വൈസ്‌ പ്രസിഡന്റ്‌ കുറ്റമ്പാറ അബ്‌ദുറഹ്‌ മാന്‍ ദാരിമി ഉദ്‌ഘാടനം ചെയ്യും. സമസ്‌ത കേന്ദ്രമുശാവറ വൈസ്‌ പ്രസിഡന്റ്‌ സയ്യിദ്‌ അലി ബാഖവി തങ്ങള്‍ എസ്‌.വൈ.എസ്‌ നിര്‍മിച്ച വീടിന്റെ താക്കോല്‍ പരേതനായ നെല്ലായ എളപ്പക്കോട്ട മുസ്‌തഫ മിസ്‌ ബാഹിയുടെ മകന്‍ നയിംറസക്ക്‌ കൈമാറും.
from kerala news edited
via IFTTT
