Story Dated: Wednesday, January 7, 2015 03:18
കുറവിലങ്ങാട്‌: ആതുരസേവന മേഖലയില്‍ അനേകര്‍ക്ക്‌ തണലായിരുന്ന വെങ്ങിണിക്കല്‍ സിറിയക്കിന്റെ മകന്‍ ടോമി(56)യുടെ ആകസ്‌മിക വേര്‍പാട്‌ നാടിന്‌ വേദനയാകുന്നു. കോട്ടയം മെഡിക്കല്‍ കോളജിലും കുട്ടികളുടെ ആശുപത്രിയിലും എത്തുന്ന നിര്‍ദ്ധനരായ രോഗികളെ സഹായിച്ച്‌ ജീവകാരുണ്യ പ്രവര്‍ത്തനങ്ങള്‍ക്ക്‌ നേതൃത്വംനല്‍കിയിരുന്ന ടോമി കഴിഞ്ഞ ദിവസം അമ്മഞ്ചേരിക്കും ഇ.എസ്‌.ഐ.ക്കും ഇടയിലുണ്ടായ വാഹനാപകടത്തില്‍ പരുക്കേറ്റ്‌ തെളളകത്തെ സ്വകാര്യ ആശുപത്രിയില്‍ ചികിത്സയിലിരിക്കവെയാണ്‌ മരണത്തിന്‌ കീഴടങ്ങിയത്‌.
സാമൂഹിക-സാംസ്‌കാരിക പ്രവര്‍ത്തനങ്ങളില്‍ നിറസാന്നിധ്യമായിരുന്ന ടോമി കുറവിലങ്ങാട്‌ സിറ്റിസണ്‍ ഫോറത്തിന്റെയും ജേസീസിന്റെയും അംഗമായിരുന്നു. കുറവിലങ്ങാട്‌ ജേസീസ്‌ പ്രസിഡന്റും സെക്രട്ടറിയുമായി പ്രവര്‍ത്തിച്ചിട്ടുണ്ട്‌. സംസ്‌കാരം ഇന്ന്‌ രാവിലെ പതിനൊന്നിന്‌ കാഞ്ഞിരത്താനം സെന്റ്‌ ജോണ്‍സ്‌ പളളിയില്‍. മാതാവ്‌: അന്നക്കുട്ടി. ഭാര്യ അതിരമ്പുഴ പുത്തന്‍പുരയില്‍ സോഫി. മക്കള്‍: കെവിന്‍, കരിഷ്‌മ, കരോളിന്‍.
from kerala news edited
via IFTTT
