പുളിക്കുഴി-കടയ്‌ക്കാട്‌ ദേവീക്ഷേത്രം റോഡ്‌ തകര്‍ന്നു; ജനം പ്രക്ഷോഭത്തിലേക്ക്‌

Story Dated: Wednesday, January 7, 2015 03:20

പന്തളം: പഞ്ചായത്ത്‌ അഞ്ചാം വാര്‍ഡില്‍ കടയ്‌ക്കാട്‌ വടക്ക്‌ ഭാഗം പുളിക്കുഴി-കടയ്‌ക്കാട്‌ ദേവീക്ഷേത്രം റോഡ്‌ തകര്‍ന്നു. ഇതിനെതിരെ ജനം പ്രക്ഷോഭത്തിനൊരുങ്ങുന്നു.

വേദി ജംഗ്‌ഷന്‍ മുതല്‍ പുളിക്കുഴി മുക്കുവരെയുള്ള 1.25 കിലോമീറ്റര്‍ റോഡാണ്‌ പൂര്‍ണമായും തകര്‍ച്ചയിലായിരിക്കുന്നത്‌. കഴിഞ്ഞ 24 വര്‍ഷമായി യാതൊരുവിധ മരാമത്ത്‌ പണികളും നടത്തിയിട്ടില്ല. 2011 ല്‍ റോഡ്‌ പുനരുദ്ധാരണത്തിന്‌ സാമഗ്രികള്‍ ഇറക്കിയെങ്കിലും അത്‌ തിരികെ കൊണ്ടുപോയതായും പരാതിയുണ്ട്‌.

ജനങ്ങളുടെ പ്രക്ഷോഭത്തിന്റെ ഭാഗമായി ഏഴുമാസം മുമ്പ്‌ റോഡില്‍ മെറ്റില്‍പാകി മണ്ണിട്ടു. ടാറിംഗ്‌ നടത്താതെ മെറ്റില്‍ ഇളകി അടുത്ത പറമ്പുകളിലേക്കായി. ഇതുമൂലം കാല്‍നട യാത്രപോലും ബുദ്ധിമുട്ടായി. 2014 ല്‍ റോഡിന്റെ ശോച്യാവസ്‌ഥ മുഖ്യമന്ത്രിയുടെ ശ്രദ്ധയില്‍പ്പെടുത്തിയിരുന്നു. 2014 മാര്‍ച്ചിനുമുമ്പ്‌ ജില്ലാ പഞ്ചായത്ത്‌ മെമ്പറുടെ സാന്നിധ്യത്തില്‍ കൂടിയ യോഗം ഉറപ്പുനല്‍കിയിരുന്നു.

from kerala news edited

via IFTTT