Story Dated: Wednesday, February 18, 2015 05:37
ചെന്നൈ: ചെന്നൈയിലെ വിമാനത്താവളത്തില്‍ റണ്‍വേയ്‌ക്ക് സമീപം തീ പടര്‍ന്നു. വിമാനത്താവളത്തിന്റെ പരിസരങ്ങളില്‍ നിന്നും പക്ഷികളെ തുരത്തുന്നതിന്‌ പൊട്ടിച്ച പടക്കത്തില്‍ നിന്നാണ്‌ റണ്‍വേയ്‌ക്ക് സമീപത്തെ പുല്ലില്‍ തീ പടര്‍ന്നത്‌. തീ അണച്ചതായും വിമാനത്താവളം സുരക്ഷിതമാണെന്നും അധികൃതര്‍ വ്യക്‌തമാക്കി.
കോയമ്പത്തൂരില്‍ നിന്നെത്തിയ സ്വകാര്യ ജെറ്റ്‌ വിമാനം താഴെയിറക്കുന്നതിന്‌ പൊട്ടിച്ച പടക്കത്തില്‍ നിന്നാണ്‌ പുല്ലില്‍ തീ പടര്‍ന്നത്‌. സംഭവ സമയം പ്രദേശത്ത്‌ കാറ്റ്‌ വീശിയിരുന്നതിനാലും വെയിലേറ്റ്‌ പുല്ല്‌ ഉണങ്ങിയിരുന്നതും തീ പടരുന്നതിന്‌ കാരണമായി. പ്രദേശത്ത്‌ തീ പടര്‍ന്നതിനെ തുടര്‍ന്ന്‌ ഏതാനും മിനിറ്റുകള്‍ വൈകിയാണ്‌ വിമാനം റണ്‍വേയിലിറക്കിയത്‌.
from kerala news edited
via IFTTT
