Story Dated: Wednesday, February 18, 2015 03:15
മലപ്പുറം: അന്താരാഷ്‌ട്ര ഫിലിം ഫെസ്‌റ്റിവല്‍ ഓഫ്‌ കേരള മേഖലാ ചലച്ചിത്രോത്സവം ഈമാസം 20 മുതല്‍ 25 വരെ നിലമ്പൂരില്‍ നടക്കുമെന്നു ഭാരവാഹികള്‍ പത്രസമ്മേളനത്തില്‍ അറിയിച്ചു. 37 സിനിമകളാണു പ്രദര്‍ശിപ്പിക്കുക. മീറ്റ ദ ഡയറക്‌ടര്‍ പരിപാടിയില്‍ പത്ത്‌ പ്രമുഖ സംവിധായകര്‍ പങ്കെടുക്കും. തിരുവനന്തപുരം ഫിലിംഫെസ്‌റ്റിവലില്‍ പങ്കെടുക്കാന്‍ കഴിയാത്തവര്‍ക്ക്‌ അവിടെ പ്രദര്‍ശിപ്പിച്ച സിനിമകള്‍ ആസ്വദിക്കാനുള്ള അവസരമൊരുക്കുന്നതിനാണ്‌ ഈ വര്‍ഷം ചലച്ചിത്ര അക്കാദമി മേഖലാ ചലച്ചിത്രോത്സവം നടത്തുന്നത്‌. മലബാര്‍ മേഖലയുടെ ചലച്ചിത്രോത്സവമാണ്‌ നിലമ്പൂരില്‍ നടത്തുന്നത്‌. നിലമ്പൂര്‍ ഫെയറിലാന്റ്‌ തിയേറ്ററില്‍ രണ്ട്‌ സ്‌ക്രീനുകളിലായി ദിവസവും എട്ട്‌ സിനിമകള്‍ പ്രദര്‍ശിപ്പിക്കും. 13 ഇന്ത്യന്‍ സിനിമകളും 23 അന്താരാഷ്‌ട്ര സിനിമകളുമാണ്‌ പ്രദര്‍ശനത്തിലുണ്ടാകുക. അഞ്ച്‌ ഇറാനിയന്‍ സിനിമകളും പ്രദര്‍ശിപ്പിക്കുന്നുണ്ട്‌. 20ന്‌ വൈകുന്നേരം 5.30ന്‌ മന്ത്രി തിരുവഞ്ചൂര്‍ രാധാകൃഷ്‌ണന്‍ ചലച്ചിത്രമേള ഉദ്‌ഘാടനം ചെയ്ും. യആര്യാടന്‍ മുഹമ്മദ്‌ അധ്യക്ഷത വഹിക്കും. 21ന്‌ രാവിലെ 10ന്‌ റോസ്‌ ഇന്റര്‍നാഷണല്‍ ഹോട്ടല്‍ ഹാളില്‍ സിനിമയില്‍ നിന്നും ജീവിതം വായിക്കുമ്പോള്‍ എന്ന വിഷയത്തില്‍ സെമിനാര്‍ നടത്തും. 100 രൂപയാണ്‌ ഡെലിഗേറ്റ്‌ പാസിനുള്ള ഫീസ്‌. വിദ്യാര്‍ഥികള്‍ക്ക്‌ 50 രൂപ.
from kerala news edited
via IFTTT
