Story Dated: Thursday, February 19, 2015 02:17
നെടുമങ്ങാട്‌: ഇരുവൃക്കകളും തകരാറിലായി അസുഖബാധിതനായ ആറുവയസുകാരനെ ഉപദ്രവിച്ച വൃദ്ധനെ അരുവിക്കര പോലീസ്‌ അറസ്‌റ്റ് ചെയ്‌തു. അരുവിക്കര ഇരുമ്പ സരള കോളനിയില്‍ തമ്പി (80) യെയാണ്‌ അറസ്‌റ്റ് ചെയ്‌തത്‌. വീടിനു മുന്നില്‍ കളിച്ചുകൊണ്ടുനിന്ന ബാലനെ കാണാതായതിനെ തുടര്‍ന്ന്‌ അന്വേഷിച്ചെത്തിയ അമ്മയാണ്‌ വൃദ്ധന്‍ കുട്ടിയെ സമീപത്തെ വീട്ടിലേക്കു വിളിച്ചുകൊണ്ടുപോയി പീഡിപ്പിക്കുന്നത്‌ കണ്ടത്‌. ഇവര്‍ ബഹളമുണ്ടാക്കിയതിനെതുടര്‍ന്ന്‌ ഓടി രക്ഷപ്പെട്ട ഇയാളെ പോലീസ്‌ പിടികൂടുകയായിരുന്നു. വര്‍ഷങ്ങള്‍ക്കുമുന്‍പ്‌ ഇയാളെകുറിച്ച്‌ സമാനമായ പരാതി നെടുമങ്ങാട്‌ പോലീസിനും ലഭിച്ചിരുന്നു. കോടതിയില്‍ ഹാജരാക്കിയ പ്രതിയെ റിമാന്‍ഡുചെയ്‌തു.
from kerala news edited
via IFTTT
