Story Dated: Wednesday, February 18, 2015 01:57
മട്ടന്നൂര്‍: ഓട്ടോറിക്ഷയില്‍ യാത്രചെയ്യുകയായിരുന്ന വിദ്യാര്‍ത്ഥിനിയെ പീഡിപ്പിക്കാന്‍ ശ്രമിച്ച പ്രതി പോലീസില്‍ കീഴടങ്ങി. മട്ടന്നൂര്‍ ടൗണിലെ ഓട്ടോറിക്ഷ ഡ്രൈവറായ പി.അബ്‌ദുള്‍ റഹൂഫ്‌(36) ആണ്‌ തലശ്ശേരി സെഷന്‍സ്‌ കോടതിയില്‍ കീഴടങ്ങിയത്‌.
കഴിഞ്ഞ മാസം 18 ന്‌ രാവിലെ ഇരിട്ടി റോഡിനു സമീപത്തായിരുന്നു കേസിന്‌ ആസ്‌പദമായ സംഭവം. ടൗണില്‍ ട്യൂഷനു പോകുകയായിരുന്ന വിദ്യാര്‍ഥിനിയെ ഓട്ടോറിക്ഷയില്‍ കയറ്റിയ പ്രതി വഴിമധ്യേ പീഡിപ്പിക്കാന്‍ ശ്രമിക്കുകയായിരുന്നു. ആളൊഴിഞ്ഞ പ്രദേശത്ത്‌ വാഹനം നിര്‍ത്തിയ പ്രതി പെണ്‍കുട്ടിയെ കടന്നുപിടിക്കുകയും പീഡിപ്പിക്കാന്‍ ശ്രമിക്കുകയും ആയിരുന്നുവെന്നാണ്‌ പരാതി. പെണ്‍കുട്ടിയുടെ പരാതിയുടെ അടിസ്‌ഥാനത്തില്‍ മട്ടന്നൂര്‍ പോലീസ്‌ അന്വേഷണം നടത്തിവരുന്നതിനിടെയാണ്‌ പ്രതി കോടതിയില്‍ കീഴടങ്ങിയത്‌.
from kerala news edited
via IFTTT
