Story Dated: Thursday, February 19, 2015 02:24
ഹരിപ്പാട്‌: ബൈക്ക്‌ നിര്‍ത്തിയിട്ടിരുന്ന ഓട്ടോറിക്ഷയില്‍ ഇടിച്ച്‌ ഗൃഹനാഥന്‍ മരിച്ചു. പള്ളിപ്പാട്‌ നീണ്ടൂര്‍ മുക്ക്‌ ഇലവന്തിയില്‍ ബാബു (50) വാണ്‌ മരിച്ചത്‌. ചൊവ്വാഴ്‌ച വൈകിട്ടായിരുന്നു അപകടം. ബൈക്കില്‍ നിന്നും തെറിച്ചു തലയടിച്ചു താഴെ വീണ ബാബുവിനെ ഹരിപ്പാട്‌ താലൂക്കാശുപത്രിയിലും തുടര്‍ന്ന്‌ ആലപ്പുഴ മെഡിക്കല്‍ കോളജ്‌ ആശുപത്രിയിലും പ്രവേശിപ്പിച്ചു. ഇന്നലെ രാവിലെയാണ്‌ മരിച്ചത്‌. സംസ്‌കാരം ഇന്ന്‌ രണ്ടിന്‌ പള്ളിപ്പാട്‌ സെന്റ്‌ ജോര്‍ജ്‌ ഓര്‍ത്തഡോക്‌സ് സിംഹാസന പള്ളിയില്‍. ഭാര്യ മോളി. മക്കള്‍ ബീന, റെജി.
from kerala news edited
via IFTTT
